Demujipoana 16:19 - EBƆRƐ BE KAWƆL

¹⁹ Nɛ Delaila ta Samsɔn be kumu n deŋi mbe aya so nseŋ lɔlɔ mo nɛ e di nɛ e shin nɛ Filisti be kanyɛn ko ba she mbe emin nɛ b far ntuŋ ashunu so na. Ndoŋ nna nɛ mbe eleŋ na lar mo to.

Demujipoana 16:19 ပူးပေါင်းရင်းမြစ်များ

Kaŋinichiŋgeliŋ 7:26

Ade kikɛ be kaman nɛ n naŋ wu fanɛ eche dalubiwura, lubi a chɔ luwu. E du nna fanɛ b ka so kejigbelɛ na. Mbe kasha nɛ e beeŋ sha fo na bee pɛ nna fanɛ kashewu; Nɛ mbe enɔ nɛ e beeŋ ta n deŋi fo so na malɛ du fanɛ ŋgbɛlɛbi. E maaŋ tiŋ n nya esa nɛ e bee wora Ebɔrɛ be aparsheŋ ama alubiworapo bre e bee pɛ mo nna manaŋ.

Demujipoana 16:18

Delaila ka pin fanɛ kashenteŋ nɛ Samsɔn kaŋɛ mo na, nɛ e shuŋi n tre Filistiebi be benimu na. E yɛ: “Men naŋ ba kela koŋwule ere, ŋkpal manɛ so, e kaŋɛ ma kashenteŋ na naniere.” Ndoŋ nna nɛ Filistiebi be benimu na bɛta m ba nɛ bumo be egbiti nɛ b nase nnɔ fanɛ baaŋ sa Delaila na bɔɔ bumo enɔ.

Demujipoana 16:20

Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.