Demujipoana 16:17 - EBƆRƐ BE KAWƆL

¹⁷ nɛ e gben ŋ kaŋɛ mo kashenteŋ na. E yɛ: “B ka kurge ma kikɛ b maŋ naŋ she ma emin ere. Ŋkpal manɛ so, n la Nazarin be esa nna nɛ b ta ma m bɔɔ Ebɔrɛ enɔ. Kachɛ nɛ b baaŋ she ma emin ere nɛ ma alɛ be eleŋ beeŋ lar ma to nɛ ŋ ki esa pɔso fanɛ dimɛdi kikɛ.”

Demujipoana 16:17 ပူးပေါင်းရင်းမြစ်များ

Aŋasa 12:23

Enyiashempo bee ta mbe kenyi nna a ŋana, ama ewulpo bre bee shin nɛ mbe kawuli bee di efuli nna.

Aŋasa 13:3

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Aŋasa 29:12

Ewura nɛ e bee nu efɛ be beyaasepo bee ki basa lubi nna.

Maika 7:5

Sa maŋ kaŋ yirda fo echenashapo ŋko fo teri kikɛ. Baa de kusɔ nɛ fee kaŋɛ fo eche gba so.

Nɔmbɛs 6:2

e kaŋɛ Israɛl be basa le: “Benyɛn ŋko beche kama nɛ baa sha keta bumo be amu m bɔɔ Enyɛnpe Ebɔrɛ enɔ a wɔtɔ n sa Ebɔrɛ nawule ŋ ki ‘Nazarin’ na,

Nɔmbɛs 6:5

Baŋ yili jemanɛ nɛ b nase nnɔ fanɛ baaŋ baa wɔtɔ n sa Enyɛnpe Ebɔrɛ nawule na n ya fo kumo be ekar, a maŋ daga fanɛ b she bumo be emin. B yige emin na nɛ a daŋ nteŋ.

Ashuŋ Shunso 18:18

Pɔɔl ka chena bekurgepoana na kutɔ ashi Kɔrint n wora nchɛnnyɔ nɛ e kela bumo nɛ mo nɛ Prisila nɛ Akwila luri ekuloŋgboŋ ko to m bɔla nchu so n yɔ Siriya. E daŋ nase kɔnɔ ashi Kɛŋkriya nna n sa Ebɔrɛ n shin nɛ b she mbe kumu pɔɛŋ nɛ e luri ekuloŋgboŋ to n yɔ.

Demujipoana 13:5

Fo kaŋ kurge fo pibinyɛn na, mbe emin maŋ daga keshɛ kikɛ. E beeŋ baa la esa nɛ baaŋ baa tre Nazarin na nna, ŋkpal manɛ so, yili kachɛ nɛ feeŋ kurge mo na n ya fo kachɛ nɛ e beeŋ wu, e beeŋ baa la esa nɛ b ta m bɔɔ Enyɛnpe Ebɔrɛ na enɔ nna. Mo e naaŋ fara Israɛl be basa be kenya kumɔlga ashi Filisti be basa be enɔ to.”

Demujipoana 16:16

Delaila baŋ ta kesheŋ ere n tɔrɔ Samsɔn lee hale nɛ ebɔl ya lar mo

Demujipoana 16:18

Delaila ka pin fanɛ kashenteŋ nɛ Samsɔn kaŋɛ mo na, nɛ e shuŋi n tre Filistiebi be benimu na. E yɛ: “Men naŋ ba kela koŋwule ere, ŋkpal manɛ so, e kaŋɛ ma kashenteŋ na naniere.” Ndoŋ nna nɛ Filistiebi be benimu na bɛta m ba nɛ bumo be egbiti nɛ b nase nnɔ fanɛ baaŋ sa Delaila na bɔɔ bumo enɔ.