Demujipoana 15:14 - EBƆRƐ BE KAWƆL

¹⁴ B ka ta Samsɔn m ba ka fo Lehi be kade to nɛ Filistiebi na yarase a ponte to a ba mo kutɔ. Epul to nɛ Enyɛnpe Ebɔrɛ na be Kiyoyu gbelge Samsɔn so n shin nɛ e nya eleŋ nɛ efɔl nɛ b ta ŋ kre mbe enɔ nɛ aya na kikɛ tuge to n tɔr fanɛ nyaŋkpaŋfɔl wuso na.

Demujipoana 15:14 ပူးပေါင်းရင်းမြစ်များ

Job be kawɔl 20:5

basa lubi be kagbenefuli maa chɛr.

Nshɛ 118:11

B daa kɔ ma kaba kama so nna, ama Enyɛnpe Ebɔrɛ na be ketre to, n tiŋ m mur bumo.

Nshɛ 18:34

Mo e naa ŋini ma kananɛ baa kɔ kena; nsaa chɛ ma to nɛ mee tiŋ a ta danyaŋ be keta a kɔ kena.

Ɛksodɔs 14:3

Saŋɛ na so ewura Fɛɛro beeŋ fɛ mbe kumu to ŋ kaŋɛ: ‘Men keni Israɛlebi na e ya shir a wɔ keshishɛrsawule na so a kulti a maŋ nyi kakpa nɛ baaŋ bɔla n lar na.’

Ɛksodɔs 14:5

Amoso b ka daŋ ya kaŋɛ Ijipt be ewura fanɛ Israɛl be basa na shile n choŋ nɛ mo nɛ mbe basa kikɛ chɛrga bumo be nfɛra nseŋ bishi bumo be amu le: “Manɛ so bre nɛ an wora le be kesheŋ ere? Manɛ nna nɛ an shin nɛ Israɛlebi na yɔ nsaa maaŋ naa shuŋ anyi ere?”

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Demujipoana 14:19

Nɛ Enyɛnpe Ebɔrɛ na be Kiyoyu gbelge Samsɔn so nɛ e nya eleŋ nseŋ yɔ kadegboŋ nɛ baa tre Ashkɛlɔn na n ya mɔ benyɛn adesa nseŋ gbaŋ bumo be epiŋi nɛ asɔbuuso m ba sa basa nɛ b pin mbe keyiremu na be kusɔ nɛ k bee ŋini na. Kumo be kaman nɛ e nya agbo nseŋ bɛta n yɔ epe.

Demujipoana 14:6

Ama Enyɛnpe Ebɔrɛ na be Kiyoyu gbelge m ba Samsɔn so nɛ e nya eleŋ n ta mbe enɔana m pɛ buluŋ na m gberge to n tuge to fanɛ k ka la kaboebi na. Mo alɛ daŋ maŋ kaŋɛ mo nio ŋko mo tuto kusɔ nɛ e wora na be asheŋ.

Demujipoana 15:13

Nɛ Judaebi na shuli ŋ kaŋɛ: “Anyeeŋ baŋ kre fo nna nseŋ ta fo n ya sa bumo. Anyi maaŋ mɔ fo.” Ndoŋ nna nɛ b ta efɔl popɔr anyɔ ŋ kre mo nseŋ lara mo kebeelaŋ na to n yɔ.

Demujipoana 15:9

Ndoŋ nna nɛ Filisti be basa na kre n yɔ Juda be efuli so n ya gbuŋ basa nɛ b wɔ kade nɛ baa tre Lehi na.

Demujipoana 16:12

Nɛ Delaila ta amamprɔŋ popɔr m ba kre mo. Saŋɛ na so nɛ basa ko ŋana a wɔ ebu na to, nɛ e ponte n tre: “Samsɔn, Filistiebi na e naa ba fo so na!” Samsɔn ka kpa n niŋi to nɛ amamprɔŋ na kikɛ tuge to n shi mbe enɔana so n tɔr fanɛ ejesebi na.

Demujipoana 16:24

Basa na ka baŋ wu mo nɛ b fara a kpaŋ bumo be kegbir a kaŋɛ le: “Anyi be kegbir pɔɔ an doŋana so n sa anyi; an doŋana nɛ b jija anyi be efuli nɛ anyi be asɔ nseŋ mɔ anyi be basa damta na.”

Demujipoana 16:9

Delaila malɛ daŋ shin nɛ basa ko ba ŋana ebu nɛ mo nɛ Samsɔn daa wɔtɔ to na nna. E ka kre mo n loge nɛ e ponte n tre: “Samsɔn, Filistiebi na e naa ba fo so na!” Samsɔn ka kpa n niŋi to nɛ efɔl na tuge to fanɛ b ka ta jese n fuli edɛ na. B daŋ maŋ tiŋ m pin Samsɔn be eleŋ na be ashiri.

Demujipoana 3:10

Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

Demujipoana 5:30

“Ashere baa fin asɔ nna nɛ b kɔ n sɔ m barga to n sa abar, nɛ enapo kama e nya eche koŋwule ŋko beche anyɔ. Sisɛra bre beeŋ nya epiŋi nɛ e bee kpa edɛ pɛlpɛl, nɛ anyi alɛ beche na e nya ewajɛ nɛ b jɔ nɛnɛ na a buu.”

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.

1 Samuɛl 10:6

Enyɛnpe Ebɔrɛ be kiyoyu be eleŋ beeŋ gbelge fo so epul to na to nɛ fo alɛ gba e tu bumo a wu asheŋ a kaŋɛ nsaa wora asheŋ nɛ fo daa maa wora.

1 Samuɛl 11:6

Sɔɔl ka nu loŋ, nɛ Ebɔrɛ be kiyoyu gbelge mo so eleŋso nɛ e nya agbo ga ŋkpal kusɔ nɛ Nahaash kaŋɛ na so.

1 Samuɛl 17:35

mee shile nna m bɛ kumo so n ya sɔ kubolpɔ na. Nɛ buluŋ na ŋko shishiri na baŋ kilgi n tu ma, mee pɛ kumo be kubɔ to nna n nyaŋ kumo m mɔ.

1 Samuɛl 4:5

B ka bar ŋkre be deka na, nɛ Israɛlebi na be ŋgbene fuli bumo nɛ b cha awɔr ga hale nɛ kasawule bee gbuŋgbuŋ.