Demujipoana 15:11 - EBƆRƐ BE KAWƆL

¹¹ Ndoŋ nna nɛ Judaebi be basa ŋgboŋ asa yɔ Samsɔn kutɔ ashi Etam be kebeelaŋ na to n ya kaŋɛ mo le: “Fo nyi fanɛ Filistiebi ere e naa ji anyi so kuwura a? Manɛ nna nɛ fo wora anyi loŋ?” Nɛ Samsɔn kaŋɛ bumo le: “Kusɔ nɛ b wora ma nɛ ma alɛ gba wora bumo.”

Demujipoana 15:11 ပူးပေါင်းရင်းမြစ်များ

1 Kronikɛls 4:3

Kalɛb nɛ mbe eche Efraf pibinyɛn nimuso e daa la Hur. Hur be kaman to ebi e daŋ juŋkpar n chena Bɛtlɛhɛm. E daa kɔ mbinyɛnsobi asa nna. Bumo e daa la Etam nɛ Pɛnuɛl nɛ Eza. Etan malɛ daa kɔ mbinyɛnsobi asa nna. Bumo e daa la Jizreel nɛ Ishma nɛ Idbaash. Ebiche koŋwule nɛ e daa kɔ nɛ baa tre mo Hazelelfoni. Pɛnuɛl e daŋ juŋkpar n chena Gɛdɔ, nɛ Ezɛr malɛ juŋkpar n chena Huusha.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Ditɛronɔmi 28:13

Nɛ menyeeŋ baa wora Enyɛnpe menyi be Ebɔrɛ na kasonu nsaa bɛ mbe mbraana nɛ n ta a sa menyi kabre ere kikɛ so kashenteŋto, e beeŋ shin nɛ men ki bejuŋkparpo durnya be efuliana kikɛ to.

Ditɛronɔmi 28:43

Befɔ nɛ menyi nɛ bumo chena men be ndeana to na beeŋ dii dama n nya eleŋ ga, ama ketir e naaŋ pɛ menyi ere nɛ men be eleŋ e yɔɔ so.

Demujipoana 13:1

Israɛl be basa na daŋ naŋ wora alubi nna ŋ gbiti Enyɛnpe Ebɔrɛ na nɛ e shin nɛ Filisti be basa ji bumo so kuwura nfɛ adena.

Demujipoana 14:4

Samsɔn mo nio nɛ mo tuto bre daa maŋ nyi fanɛ Enyɛnpe Ebɔrɛ na e daa fin ekpa nɛ e kɔ n suge Israɛl be basa ashi Filistiebi nɛ b daa ji Israɛl so kuwura loŋ be jemanɛ na be enɔ to. Amoso nɛ e shin nɛ Samsɔn be kagbene pɛ eche na na.

Demujipoana 15:10

Nɛ Juda be basa na bishi bumo: “Manɛ nna nɛ men ba nɛ men ba kɔ anyi?” Nɛ Filisti be basa na kaŋɛ: “Samsɔn nɛ an ba nɛ an ba pɛ n ya wora mo kusɔ nɛ e wora anyi na n tal to.”

Demujipoana 15:12

Nɛ b kaŋɛ mo le: “An ba nna nɛ an ba kre fo nseŋ ta fo n ya sa Filistiebi na.” Nɛ Samsɔn kaŋɛ bumo: “Men bɔ fanɛ men gbagba maaŋ mɔ ma.”