Demujipoana 14:5 - EBƆRƐ BE KAWƆL

⁵ Ndoŋ nna nɛ Samsɔn nɛ mo nio nɛ mo tuto ta n yɔ Timna. B ka ya kaa bɔla afeelebi nɛ a bee sɔr asɔrso nɛ baa tre greep na be kudɔ to a choŋ, nɛ buluŋ fɔlbi ko lar a mun to m ba mo so epul to.

Demujipoana 14:5 ပူးပေါင်းရင်းမြစ်များ

2 Samuɛl 23:20

Jehowada pibinyɛn Bɛnaya nɛ e shi Kabziil na gba daa la enapo lempo ko nna: E daa kɔ kenyɛn ga hale n daŋ mɔ Mowabebi be benapo lempo anyɔ ko. Kachako gba e daŋ lar bɔrɛ nɛ abɔrɛjembubi to nna n ya gbelge kejamaŋ to m mɔ buluŋ.

1 Kronikɛls 11:22

Jehowada pibinyɛn Bɛnaya nɛ e shi Kabziil na daa la enapo lempo nna. E daŋ ji kenyɛn ekpa damta so ga hale m mɔ Mowab be benapo lempo anyɔ ko. Kachako nɛ e daŋ lar bɔrɛ nɛ abɔrɛjembubi to n ya gbelge kejamaŋ to m mɔ buluŋ.

Nshɛ 91:13

Feeŋ pɔɔ ebuluŋ lempo so nseŋ chichi awɔ lubi gba so, nɛ e maaŋ tiŋ n wora fo shɛŋ.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.

Joshuwa 15:10

Baala nɛ k yili ŋ kilgi n sɔ Edɔm be abee so be efuli so ashi epeŋitɔrkpa be kaba so n ta n ya fo kebeegboŋ nɛ baa tre Jearim nɛ kade baa tre Chisalɔn na wɔ na be kelargato be esoso be kaba so nseŋ bɔla Bɛf Shimish n ya fo Timna.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Demujipoana 14:4

Samsɔn mo nio nɛ mo tuto bre daa maŋ nyi fanɛ Enyɛnpe Ebɔrɛ na e daa fin ekpa nɛ e kɔ n suge Israɛl be basa ashi Filistiebi nɛ b daa ji Israɛl so kuwura loŋ be jemanɛ na be enɔ to. Amoso nɛ e shin nɛ Samsɔn be kagbene pɛ eche na na.

Demujipoana 14:6

Ama Enyɛnpe Ebɔrɛ na be Kiyoyu gbelge m ba Samsɔn so nɛ e nya eleŋ n ta mbe enɔana m pɛ buluŋ na m gberge to n tuge to fanɛ k ka la kaboebi na. Mo alɛ daŋ maŋ kaŋɛ mo nio ŋko mo tuto kusɔ nɛ e wora na be asheŋ.

1 Samuɛl 17:35

mee shile nna m bɛ kumo so n ya sɔ kubolpɔ na. Nɛ buluŋ na ŋko shishiri na baŋ kilgi n tu ma, mee pɛ kumo be kubɔ to nna n nyaŋ kumo m mɔ.