Demujipoana 14:4 - EBƆRƐ BE KAWƆL

⁴ Samsɔn mo nio nɛ mo tuto bre daa maŋ nyi fanɛ Enyɛnpe Ebɔrɛ na e daa fin ekpa nɛ e kɔ n suge Israɛl be basa ashi Filistiebi nɛ b daa ji Israɛl so kuwura loŋ be jemanɛ na be enɔ to. Amoso nɛ e shin nɛ Samsɔn be kagbene pɛ eche na na.

Demujipoana 14:4 ပူးပေါင်းရင်းမြစ်များ

1 Bewura 12:15

K daa la Enyɛnpe Ebɔrɛ be kepar nna fanɛ kusɔ nɛ e bɔla anebi Ahija nɛ e shi kade nɛ baa tre Shilo na so ŋ kaŋɛ Nebat pibinyɛn Jeroboam na bɔlɔ so Kumo alɛ be loŋ so nɛ Rehoboam be shɛŋ daa maŋ wɔ basa na to na.

1 Bewura 12:24

E yɛ: “Men sa maŋ kaŋ kɔ menyi gbagba be basa Israɛlebi kena. Menyi kikɛ e baa yɔ epe. Ma keparso nɛ le be asheŋ ere kikɛ wora na.” Nɛ b nu kusɔ nɛ Enyɛnpe Ebɔrɛ kaŋɛ bumo na nseŋ yige keyakɔ Jeroboam nɛ mbe basa kena.

2 Bewura 6:33

E kraa malga nna nɛ kabɔ na ba luri ŋ kaŋɛ le: “Enyɛnpe Ebɔrɛ na e bar le be kasogberge ere anyi so. Manɛ nna nɛ an naa jo mo fanɛ e wora kusɔ ko?”

2 Kronikɛls 10:15

K daa la Enyɛnpe Ebɔrɛ be kepar nna fanɛ kusɔ nɛ e bɔla anebi Ahija nɛ e shi Shilo na so ŋ kaŋɛ Nebat pibinyɛn Jeroboam na e bɔlɔ so. Kumo alɛ be loŋ so nɛ ewura na be shɛŋ daa maŋ wɔ basa na to na.

2 Kronikɛls 22:7

Ahaziya be keya bɔɔ Joram so na, e daŋ da mo n lɛ. E ka ba Joram kutɔ na, nɛ mo nɛ Joram ya tu Nimshi pibinyɛn Jehu nɛ Enyɛnpe Ebɔrɛ lara fanɛ e mur Ahab be kuwurji na.

2 Kronikɛls 25:20

Ama ewura Amaziya daŋ kini kenu nna ŋkpal manɛ so Ebɔrɛ e daa sha fanɛ b kɔ m pɔɔ mo so ŋkpal e ka daa shuŋ Edɔmebi be agbir so.

Nshɛ 115:3

Anyi be Ebɔrɛ na wɔ ebɔrɛso nna a wora kusɔ nɛ e bee sha.

Danɛl 6:4

Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

Demujipoana 13:1

Israɛl be basa na daŋ naŋ wora alubi nna ŋ gbiti Enyɛnpe Ebɔrɛ na nɛ e shin nɛ Filisti be basa ji bumo so kuwura nfɛ adena.

Demujipoana 14:5

Ndoŋ nna nɛ Samsɔn nɛ mo nio nɛ mo tuto ta n yɔ Timna. B ka ya kaa bɔla afeelebi nɛ a bee sɔr asɔrso nɛ baa tre greep na be kudɔ to a choŋ, nɛ buluŋ fɔlbi ko lar a mun to m ba mo so epul to.

Demujipoana 15:11

Ndoŋ nna nɛ Judaebi be basa ŋgboŋ asa yɔ Samsɔn kutɔ ashi Etam be kebeelaŋ na to n ya kaŋɛ mo le: “Fo nyi fanɛ Filistiebi ere e naa ji anyi so kuwura a? Manɛ nna nɛ fo wora anyi loŋ?” Nɛ Samsɔn kaŋɛ bumo le: “Kusɔ nɛ b wora ma nɛ ma alɛ gba wora bumo.”

Demujipoana 15:3

Ndoŋ nna nɛ Samsɔn kaŋɛ: “Naniere bre n nya ekpa nɛ ŋ ka Filisti be basa ere kukɔ. Meeŋ tɔrɔ bumo nɛ b pin.”