Demujipoana 13:6 - EBƆRƐ BE KAWƆL

⁶ Ndoŋ nna nɛ kache na yɔ mo kul kutɔ n ya kaŋɛ mo le: “Ebɔrɛ be esa ko ba ma kutɔ nna. E duli Ebɔrɛ be malaika nna nɛ mbe asheŋ bee keta ma kufu. N daa maŋ bishi mo kakpa nɛ e shi, mo alɛ daa maŋ kaŋɛ ma mbe ketre.

Demujipoana 13:6 ပူးပေါင်းရင်းမြစ်များ

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

Jɛnesis 32:29

Kumo be kaman nɛ Jeekɔb kule mo fanɛ e ti mbe ketre ŋ ŋini mo. Nɛ kanyɛn na kaŋɛ: “Manɛ nɛ fee sha ma ketre nɛ fo wora?” Kumo be kaman nɛ e nɛfa Jeekɔb.

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

1 Bewura 17:24

Nɛ kache na kaŋɛ le: “Naniere nɛ m pin fanɛ Enyɛnpe Ebɔrɛ be esa e la fo kashenteŋto nɛ e bee bɔla fo so a malga!”

2 Bewura 4:16

nɛ Elaisha kaŋɛ mo le: “Ta a ba kafɛ a ba saŋɛ ere so nɛ fo keta ebinyɛn fo enɔ to.” Nɛ kache na kaŋɛ: “Jande sa maŋ fule ma ŋkpal manɛ so Ebɔrɛ be esa e la fo!”

2 Bewura 4:9

Kachako nɛ kache na kaŋɛ mo kul le: “N tama fanɛ kanyɛn nɛ e bee ba nfe saŋkama ere la Ebɔrɛ be esa nna.

Ɛksodɔs 3:2

Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Danɛl 10:11

Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha.

Danɛl 10:5

Ŋ ka maŋ kumu so, nɛ n wu esa ko ka buu ago be epiŋi fuful nseŋ chɛ shuwa malɛ be kreso kashɛr to.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 9:29

E ka bee kule Ebɔrɛ na nɛ mbe anishiakpa kilgi kanaŋ ko nɛ mbe asɔbuuso fuli to parr a kpa edɛ.

Ashuŋ Shunso 6:15

Nshɛrwuraana nɛ b daa tase nshɛr na to na kikɛ daŋ ta bumo be anishi nna n yuu Stiven so n wu mbe anishiakpa ka du fanɛ malaika peya.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

Joshuwa 14:6

Kachako nɛ basa ko nɛ b shi Juda be yiri to ba Joshuwa kutɔ ashi Gilgaal. Nɛ Jefune nɛ e la Keniz be esa na pibinyɛn Kalɛb kaŋɛ mo le: “Fo nyi kusɔ nɛ Enyɛnpe Ebɔrɛ kaŋɛ Mosis nɛ e la kebɔrɛnya na, a laŋɛ ma nɛ fo be kaplɛa so ashi Kadɛsh Bania.

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Demujipoana 13:10

amoso kache na shile epul na to nna n ya kaŋɛ mo kul le: “Keni! Kanyɛn nɛ e daŋ ba ma kutɔ na e naŋ ba kabre na!”

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”

Demujipoana 13:3

Kachako nɛ Enyɛnpe Ebɔrɛ be malaika lar eche na so ŋ kaŋɛ mo le: “Fo la egbentepo nna, ama k maaŋ chɛr feeŋ di kedampo ŋ kurge ebinyɛn.

Demujipoana 13:7

Ama e kaŋɛ ma nna fanɛ meeŋ di kedampo ŋ kurge ebinyɛn. Mo alɛ naŋ kaŋɛ ma fanɛ n sa maŋ naŋ nuu yabra ŋko nsa nɛ a bee boo ŋko n ji ajibi nɛ a la ekishi kikɛ, ŋkpal manɛ so, kebia na be kebaawɔtɔ to kikɛ e beeŋ baa ka la Ebɔrɛ be esa laraso nna.”

Demujipoana 13:8

Ndoŋ nna nɛ Manoa kule Ebɔrɛ ŋ kaŋɛ le: “O Enyɛnpe Ebɔrɛ, mee kule fo nna nɛ fo shin nɛ Ebɔrɛ be esa nɛ fo shuŋi na e naŋ bɛta m ba anyi kutɔ m ba ŋini anyi kananɛ anyeeŋ bela kebia na.”

Demujipoana 6:11

Kachako nɛ Enyɛnpe Ebɔrɛ na be malaika ba kadebi nɛ baa tre Ofra na nseŋ ba chena kedibigboŋ ko be kifito ashi kanyɛn ko nɛ baa tre Joash, nɛ e shi Abiyeza be kabuna na be kelɔnɛ so. Loŋ be saŋɛ na nɛ Joash pibinyɛn, Gidiɔn malɛ ŋana e bri ayu kegoro so, saŋɛ na so Midianebi na maaŋ wu mo.

1 Samuɛl 2:27

Kachako nɛ anebi ko ba Eli kutɔ m ba kaŋɛ mo fanɛ Enyɛnpe Ebɔrɛ na kaŋɛ le: “Saŋɛ so nɛ fo nananyɛn Ɛɛrɔn nɛ mbe kanaŋ daa la Ijipt be efuli so be ewura be anya na nɛ n lara ma kumu ŋ ŋini bumo.

1 Samuɛl 9:6

Nɛ kayɛrbi na kaŋɛ le: “N nyɛnpe, kebɔrɛnya ko wɔ kade ere to nɛ basa bee sa mo bunyaŋ ga, ŋkpal manɛ so kusɔ kama nɛ e baŋ kaŋɛ, k bee wora kashenteŋ nna. An yɔ mo kutɔ, ashere e beeŋ tiŋ ŋ ŋini anyi kakpa nɛ ekurma na wɔ.”