Demujipoana 13:3 - EBƆRƐ BE KAWƆL

³ Kachako nɛ Enyɛnpe Ebɔrɛ be malaika lar eche na so ŋ kaŋɛ mo le: “Fo la egbentepo nna, ama k maaŋ chɛr feeŋ di kedampo ŋ kurge ebinyɛn.

Demujipoana 13:3 ပူးပေါင်းရင်းမြစ်များ

Jɛnesis 17:16

Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 18:10

Ndoŋ nna nɛ basa asa na to be emo nɛ e la Enyɛnpe na kaŋɛ: “Kafɛ a ba saŋɛ ere so, meeŋ naŋ bɛta m ba fo kutɔ. Loŋ be saŋɛ na malɛ nɛ fo eche Sɛɛra kurge ebinyɛn.” E ka bee malga na nɛ Sɛɛra wɔ mbe kaman ashi wajɛbu na be kabuna to a nu kusɔ nɛ baa malga na.

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

2 Bewura 4:16

nɛ Elaisha kaŋɛ mo le: “Ta a ba kafɛ a ba saŋɛ ere so nɛ fo keta ebinyɛn fo enɔ to.” Nɛ kache na kaŋɛ: “Jande sa maŋ fule ma ŋkpal manɛ so Ebɔrɛ be esa e la fo!”

Luuk 1:11

E wɔ ndoŋ nna nɛ Enyɛnpe be malaika ba mo kutɔ epul na to m ba yili bɔrɛsure nɛ e daa chɔɔ duwu kumo so na be jisoso.

Luuk 1:13

Nɛ malaika na kaŋɛ mo: “Zakareya, sa maa lɔ kufu. Ebɔrɛ nu fo kekule na, amoso, fo eche Elizabɛt beeŋ kurge fo ebinyɛn nɛ men nase mo ketre Jɔn.

Demujipoana 13:10

amoso kache na shile epul na to nna n ya kaŋɛ mo kul le: “Keni! Kanyɛn nɛ e daŋ ba ma kutɔ na e naŋ ba kabre na!”

Demujipoana 13:15

Manoa daŋ maŋ nyi fanɛ Enyɛnpe Ebɔrɛ na be malaika kutɔ nɛ e daa malga na, amoso nɛ e kaŋɛ kanyɛn na le: “Jande, sa maŋ kaŋ yɔ naniere. Shin nɛ an mɔ kaboe fɔlbi n daŋɛ n sa fo pɔɛŋ nɛ fo baa yɔ.” Nɛ malaika na kaŋɛ mo: “Hale nɛ m maŋ yɔ gba, m maaŋ ji fo ajibi na. Ama nɛ fee sha bre fo wora amo n chɔɔ n lara sarga n sa Enyɛnpe Ebɔrɛ na.”

Demujipoana 13:6

Ndoŋ nna nɛ kache na yɔ mo kul kutɔ n ya kaŋɛ mo le: “Ebɔrɛ be esa ko ba ma kutɔ nna. E duli Ebɔrɛ be malaika nna nɛ mbe asheŋ bee keta ma kufu. N daa maŋ bishi mo kakpa nɛ e shi, mo alɛ daa maŋ kaŋɛ ma mbe ketre.

Demujipoana 13:8

Ndoŋ nna nɛ Manoa kule Ebɔrɛ ŋ kaŋɛ le: “O Enyɛnpe Ebɔrɛ, mee kule fo nna nɛ fo shin nɛ Ebɔrɛ be esa nɛ fo shuŋi na e naŋ bɛta m ba anyi kutɔ m ba ŋini anyi kananɛ anyeeŋ bela kebia na.”

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.

Demujipoana 6:14

Ndoŋ nna nɛ Enyɛnpe Ebɔrɛ na gbagba kaŋɛ mo: “Ta eleŋgboŋ nɛ fo kɔ ere n ya kɔ n sɔ Israɛlebi na ashi Midianebi na be enɔ to. Ma e naa shuŋi fo!”

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.