Demujipoana 13:22 - EBƆRƐ BE KAWƆL

²² Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”

Demujipoana 13:22 ပူးပေါင်းရင်းမြစ်များ

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Ɛksodɔs 24:9

Asheŋ ere kikɛ be kaman nɛ Mosis nɛ Ɛɛrɔn nɛ Nadab nɛ Abihu nɛ Israɛlebi na be bejuŋkparpo adushunu dii kebee na be esoso.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 33:20

Ama m maaŋ shin nɛ fo wu ma anishito bre, ŋkpal manɛ so, esa kama maaŋ tiŋ n wu ma anishito nseŋ ji efute.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 5:37

Etuto nɛ e shuŋi ma na malɛ gba bee ji ma shɛda nna a sa basa. Menyi maŋ naŋ nu mbe ebɔl ŋko n wu mbe anishito.

Ditɛronɔmi 4:38

Men ka lar a ba malɛ, mo e daa ju efuliana nɛ b kɔ eleŋ ga a chɔ menyi na a lar nsaa ta bumo be nsawule a sa menyi fanɛ kananɛ e fara a wora ere.

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Demujipoana 6:22

Gidiɔn ka pin fanɛ Enyɛnpe Ebɔrɛ na be malaika nɛ e wu na nɛ e kooba kufuso ŋ kaŋɛ: “O, Enyɛnpe Ebɔrɛ, fo malaika nɛ n wu kenishiso na!” Ŋkpal manɛ so, e daa fɛ fanɛ e beeŋ wu nna.