Demujipoana 12:5 - EBƆRƐ BE KAWƆL

⁵ Giliad be basa na ka maa sha Efrayim be basa na ka nya n shile so, b kɔ n sɔ kakpa nɛ baa bɔla a dii Jɔɔdan be lɔr na nna. Efrayim be esa kama nɛ e bee shile nseŋ ba kule ekpa nɛ e dii lɔr na, Giliad be benyɛn na bee bishi mo le nna: “Efrayim be esa e la fo a?” E baŋ kaŋɛ: “Ayai!”

Demujipoana 12:5 ပူးပေါင်းရင်းမြစ်များ

1 Bewura 11:26

Nebat pibinyɛn Jeroboam nɛ e shi Efrayim be kade ko nɛ baa tre Zereda nseŋ daa la ewura Sɔlɔmɔn be benimuana na be eko na gba daŋ kilgi nna ŋ ki ewura Sɔlɔmɔn mo doŋ. Mo nio Zeruwa daa la ekulpoche nna.

Joshuwa 2:7

Ndoŋ nna nɛ ewura na be basa na lar kade na to n nite a fin befɔ na hale n ya fo kakpa nɛ baa dii Jɔɔdan be lɔr na. B ka baŋ lar na nɛ b ti kade na be kabunagboŋ na.

Joshuwa 22:11

Israɛlebi nɛ b ka na ka nu fanɛ b pɔr bɔrɛsure gboŋgboŋi ko Keenan be kasawule so ashi Gelilɔf nɛ k wɔ Jɔɔdan be lɔr be kaba ndoŋ na,

Demujipoana 12:4

Ndoŋ nna nɛ Jɛfta tre Giliad be benyɛn kikɛ ŋ gama, nɛ b ya kɔ m pɔɔ Efrayim be basa na so. Giliad be basa na daŋ mɔ bumo nna ŋkpal b ka daŋ kaŋɛ fanɛ: “Menyi Giliad be basa nɛ men wɔ Efrayim nɛ Manase be nsawule so ere kikɛ la Efrayim be yiri to be basa nna nɛ men kini anyi n shile.”

Demujipoana 12:6

Baa kaŋɛ mo fanɛ e ti le nna: “Shibbolef.” Ama e beeŋ ti kumo “Sibbolef.” Ŋkpal e ka maaŋ tiŋ n tre kumo nɛnɛ na so, Giliad be basa na bee pɛ mo nna m mɔ ashi Jɔɔdan be lɔr na be kakpa nɛ baa bɔla a dii na. Efrayim be basa ŋgboŋ adena nɛ anyɔ nɛ b daŋ mɔ loŋ be jemanɛ na.

Demujipoana 17:7

Livai be yiri to be kabrantiɛbia ko daŋ shi kade nɛ baa tre Bɛtlɛhɛm nɛ k wɔ Juda be efuli so nna

Demujipoana 3:28

ŋ kaŋɛ: “Men bɛ ma so, ŋkpal manɛ so, Enyɛnpe Ebɔrɛ na teŋ shin nɛ men pɔɔ Mowabebi nɛ b la men doŋana na so.” Nɛ Israɛlebi na bɛ Ehud so n ya kɔ n suge kakpa nɛ Mowabebi na beeŋ bɔla n dii lɔr nɛ baa tre Jɔɔdan na. Israɛlebi na daŋ maŋ shin nɛ esa koŋwule gba nya n dii lɔr na.

Demujipoana 7:24

Nɛ Gidiɔn shuŋi mbɔ Efrayimebi nɛ b chena kebeesawule so na kutɔ ŋ kaŋɛ: “Men gbelge to m ba kɔ Midianebi na. Men baa kuŋ bumo nɛ b sa maŋ nya n dii Jɔɔdan nɛ mbombi nɛ a wɔ Bɛf Bara na.” Ndoŋ nna nɛ Efrayimebi na lar n ya yili Jɔɔdan be lɔr na ase a kuŋ hale n ya fo Bɛf Bara.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.