Demujipoana 12:4 - EBƆRƐ BE KAWƆL

⁴ Ndoŋ nna nɛ Jɛfta tre Giliad be benyɛn kikɛ ŋ gama, nɛ b ya kɔ m pɔɔ Efrayim be basa na so. Giliad be basa na daŋ mɔ bumo nna ŋkpal b ka daŋ kaŋɛ fanɛ: “Menyi Giliad be basa nɛ men wɔ Efrayim nɛ Manase be nsawule so ere kikɛ la Efrayim be yiri to be basa nna nɛ men kini anyi n shile.”

Demujipoana 12:4 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

Nehemaya 4:4

Ama n daŋ kule Ebɔrɛ nna ŋ kaŋɛ: “O Ebɔrɛ, basa ere kishi anyi nna nsaa sha fanɛ asheŋ lubi e tu anyi. Jande nu anyi be kekule nseŋ shin nɛ bumo be katege na e laŋɛ bumo be amu so! Shin nɛ b baa la basa nɛ bumo doŋana beeŋ pɛ bumo kena to ŋ gberge bumo n yɔ kabuti to.

Nshɛ 78:9

Kena be kachɛ ka fo, Efrayimebi nɛ b daa kɔ ata nɛ atanyembi to na daŋ lara keya nna n shile.

Aŋasa 12:13

Belubiworapo gbagba be mmalga e naa kilgi a kre bumo, ama beshenteŋjipo bre bee lara bumo be amu asheŋ to nna.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Demujipoana 11:10

Nɛ Giliad be benimu na yɛ: “Kashenteŋ nɛ anyee ji. Enyɛnpe Ebɔrɛ na malɛ ji kusɔ nɛ anyee kaŋɛ ere be shɛda.”

Demujipoana 12:3

Ma alɛ ka wu fanɛ menyi maa ba nɛ men ba chɛ to so nɛ n ta ma ŋkpa ŋ kpa kelera nseŋ dii kaba ndoŋ n ya kɔ Ammɔn be basa na nɛ Enyɛnpe Ebɔrɛ na shin nɛ ŋ kɔ m pɔɔ bumo so. Nɛ manɛ so nɛ menyee ba nɛ men ba kɔ ma?”

Demujipoana 12:5

Giliad be basa na ka maa sha Efrayim be basa na ka nya n shile so, b kɔ n sɔ kakpa nɛ baa bɔla a dii Jɔɔdan be lɔr na nna. Efrayim be esa kama nɛ e bee shile nseŋ ba kule ekpa nɛ e dii lɔr na, Giliad be benyɛn na bee bishi mo le nna: “Efrayim be esa e la fo a?” E baŋ kaŋɛ: “Ayai!”

1 Samuɛl 25:10

Ndoŋ nna nɛ Nabaal malɛ kaŋɛ le: “Wanɛ bre e la Jɛsi pibinyɛn Deevid ere? Naniere kananɛ nyɛrbi damta bee shile bumo nyɛnpeana nna na!