Demujipoana 12:3 - EBƆRƐ BE KAWƆL

³ Ma alɛ ka wu fanɛ menyi maa ba nɛ men ba chɛ to so nɛ n ta ma ŋkpa ŋ kpa kelera nseŋ dii kaba ndoŋ n ya kɔ Ammɔn be basa na nɛ Enyɛnpe Ebɔrɛ na shin nɛ ŋ kɔ m pɔɔ bumo so. Nɛ manɛ so nɛ menyee ba nɛ men ba kɔ ma?”

Demujipoana 12:3 ပူးပေါင်းရင်းမြစ်များ

2 Kronikɛls 13:12

Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

Job be kawɔl 13:14

Kusɔ kama nɛ k nya ma shi ŋ gbagba be kumu to nna.

Nshɛ 119:109

Jemanɛ kikɛ mee ta ma ŋkpa nna a pɛl, ama m maaŋ teŋ fo mbraana bre so kikɛ.

Romebi 16:4

B daŋ kpal ma so nna n ta bumo be amu ŋ kpa kelara. Mee chɔrɔ bumo ga ŋkpal loŋ so, mannɛ n nawule gba malɛ e naa chɔrɔ bumo. Nnyamase be asɔriebiana na kikɛ gba bee chɔrɔ bumo ga.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Demujipoana 11:27

M maŋ wora fo kulubi kikɛ, ama fo e naa wora kulubi ŋkpal fo ka bee fin ma kolu so. Enyɛnpe Ebɔrɛ na e naaŋ keni Israɛlebi nɛ Ammɔnebi be demu ere to nseŋ ji kumo.”

Demujipoana 12:2

Ama le nɛ Jɛfta kaŋɛ bumo: “Jemanɛ nɛ ma nɛ ma basa wɔ kenishipere to a kɔ Ammɔn be basa na, ŋ kela n tre menyi ama menyi maŋ mɔlga ma ashi bumo be enɔ to.

Demujipoana 12:4

Ndoŋ nna nɛ Jɛfta tre Giliad be benyɛn kikɛ ŋ gama, nɛ b ya kɔ m pɔɔ Efrayim be basa na so. Giliad be basa na daŋ mɔ bumo nna ŋkpal b ka daŋ kaŋɛ fanɛ: “Menyi Giliad be basa nɛ men wɔ Efrayim nɛ Manase be nsawule so ere kikɛ la Efrayim be yiri to be basa nna nɛ men kini anyi n shile.”

Demujipoana 9:17

Men nyiŋi kananɛ n tuto kɔ n sa menyi. E ta mbe kumu nna ŋ kpa kelera m mɔlga menyi ashi Midianebi kutɔ.

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”

1 Samuɛl 28:21

Ndoŋ nna nɛ kache na firgi n taga mo to n wu fanɛ kufu pɛ mo alegaiso, nɛ e kaŋɛ mo le: “Yiramu, n ta ma kumu nna ŋ kpa kelera pɔɛŋ nseŋ wora kusɔ nɛ fo kaŋɛ ma fanɛ n wora ere na.