Demujipoana 11:34 - EBƆRƐ BE KAWƆL

³⁴ Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

Demujipoana 11:34 ပူးပေါင်းရင်းမြစ်များ

2 Samuɛl 6:14

Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

Nshɛ 150:4

Men baa laŋ ŋkure a cha a kpaŋ mo, nsaa ta ejaŋjilaŋ nɛ nlopi gba a kpaŋ mo.

Nshɛ 68:25

Beshɛbompo e juŋkpar nɛ bumo nɛ baa laŋ alaŋsɔ bɛso nɛ besuŋgurbi bee laŋ echakachaka a chaŋ bumo.

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Jɛremaya 31:13

Saŋɛ na so mbifɔlbi nɛ basa kpar kikɛ cha abar n ji eyur nseŋ cha kagbenefuliso Ŋkpal manɛ so, meeŋ lolo bumo nseŋ shin nɛ bumo be kushu e ki emushe nɛ bumo be kagbenejija e ki kagbenefuli.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Luuk 7:12

E ka baŋ ba kaa fo kade na be kabuna nɛ b sulɔ ebuni a yɔ nɛ b ya puli. Ebuni na daa la ekulpoche ko be ebi koŋwule nna nseŋ wu nɛ kade na to be basa damta ko bɛ ekulpoche na so a lar a yɔ nchaŋ na ase.

Luuk 8:42

ŋkpal mo pibichesobi koŋwule ka daa shin nɛ e wu so. Kebia na daa la nfɛ kuduanyɔ nna. Yesu ka daa yɔ kanyɛn na pe nɛ basa damta buu mo so.

Luuk 9:38

Nɛ jimaŋ na to be esa ko kaŋɛ Yesu awɔrso: “Eŋinipo, mee kule fo, keni m pibinyɛn koŋwule ere.

Joshuwa 18:26

Mizpa nɛ Kefira nɛ Moza nɛ

Demujipoana 10:17

Ammɔnebi na daŋ kre kena m ba gama abar so ashi Giliad nna, nɛ Israɛlebi na malɛ gba gama abar so ashi Mizpa.

Demujipoana 11:11

Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

Demujipoana 21:21

Saŋɛ na so nɛ Shilo be mbichesobi na kaŋ lar a cha kachɛgboŋ achɛ na, nɛ men lar adɔana na to nɛ men be ekama e pɛ eche katiŋso n yɔ mo pe nɛ e ya ki mbe eche ashi Bɛnjamin be kasawule so.