Demujipoana 11:29 - EBƆRƐ BE KAWƆL

²⁹ Ndoŋ nna nɛ Enyɛnpe Ebɔrɛ na be Kiyoyu ba Jɛfta so nɛ e shi Giliad m ba choŋ Manase nseŋ naŋ bɛta m ba Mizpa nɛ k wɔ Giliad be kasawule so na n ya fin benapo. Kumo be kaman nɛ b kre kena n ya tu Ammɔnebi.

Demujipoana 11:29 ပူးပေါင်းရင်းမြစ်များ

Jɛnesis 31:49

Kumo be ketre ko gba e daa la Mispa, ŋkpal manɛ so, le nɛ e daŋ kaŋɛ: “Ebɔrɛ e baa keni ma nɛ fo kikɛ so saŋɛ nɛ anyee barga abar ere.

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Nɔmbɛs 11:25

Nɛ kuwɔlpa na gbelge m ba nɛ Enyɛnpe Ebɔrɛ malga Mosis kutɔ nseŋ sa bejuŋkparpo adushunu na gba eleŋ nɛ e sa Mosis na. B ka nya eleŋ na nɛ b fara a malga a cha awɔr fanɛ anebiana na. Ama b daa maŋ malga loŋ n chɛr.

Demujipoana 10:17

Ammɔnebi na daŋ kre kena m ba gama abar so ashi Giliad nna, nɛ Israɛlebi na malɛ gba gama abar so ashi Mizpa.

Demujipoana 11:11

Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

Demujipoana 11:28

Ama Ammɔn be ewura daa maŋ nu Jɛfta be kubɔya na.

Demujipoana 11:30

Nɛ Jɛfta daŋ nase kɔnɔ n sa Enyɛnpe Ebɔrɛ na ŋ kaŋɛ: “Nɛ fo shin nɛ ŋ kɔ m pɔɔ Ammɔnebi ere so,

Demujipoana 13:25

Kachako Samsɔn ka daa wɔ mboŋ nɛ baa tre Zora nɛ Ɛshtaɔl be kefɛato ashi Dan be keeyi to na nɛ Enyɛnpe Ebɔrɛ na be Kiyoyu na fara a sa mo eleŋ.

Demujipoana 3:10

Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

Demujipoana 6:34

Ndoŋ nna nɛ Enyɛnpe Ebɔrɛ na be Kiyoyu ba Gidiɔn so nɛ e foŋ kabel n tre Abiyeza be kabuna be benyɛn kikɛ fanɛ b ba bɛ mo so,

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.

1 Samuɛl 11:6

Sɔɔl ka nu loŋ, nɛ Ebɔrɛ be kiyoyu gbelge mo so eleŋso nɛ e nya agbo ga ŋkpal kusɔ nɛ Nahaash kaŋɛ na so.

1 Samuɛl 12:11

Nɛ Enyɛnpe Ebɔrɛ shuŋi Gidiɔn nɛ Barak nɛ Jɛfta nɛ ma, nɛ an mɔlga menyi ashi men doŋana kutɔ nɛ men nya menyi be amu.