Demujipoana 11:24 - EBƆRƐ BE KAWƆL

²⁴ Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.

Demujipoana 11:24 ပူးပေါင်းရင်းမြစ်များ

1 Bewura 11:7

Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 78:55

E daŋ ju efuli pɔtɛana na be basa nna n lar nseŋ barga kasawule na nɛ bumo be nwuana to n sa Israɛl be eyiri yiri nɛ b la mbe basa na.

Jɛremaya 48:13

Saŋɛ na so Mowabebi na maaŋ naŋ yirda bumo be kegbir nɛ baa tre Chemɔsh na, fanɛ kananɛ Israɛlebi na maŋ naŋ yirda kade nɛ baa tre Bɛtɛl nɛ b daŋ ta yirda n wɔtɔ kumo to jemanɛ ko na.

Jɛremaya 48:46

Asheŋ maaŋ nyalɛ n sa menyi, Mowab be basa! Men shuŋ menyi be kegbir Chemɔsh na, ama naniere menyi e mur nɛ b pɛ menyi be mbia malɛ katinso n yɔ efuli pɔtɛ wɔfɔ so na.

Jɛremaya 48:7

Mowabebi, men ta menyi be yirda nna n wɔtɔ menyi be eleŋ nɛ kedamaya to, ama naniere bedoŋ beeŋ kɔ m pɔɔ menyi so nseŋ yɛr menyi be kegbir nɛ baa tre Chemɔsh na nɛ kumo be agbirwuraana nɛ benimuana na efuli pɔtɛ wɔfɔ so.

Maika 4:5

Efuli kama so ebi bee bunyaŋ nsaa wora bumo be kegbir kasonu nna, ama anyi ere beeŋ baa bunyaŋ nsaa wora Enyɛnpe anyi be Ebɔrɛ na kasonu nna mbaanaayɔ.

Nɔmbɛs 21:29

Asheŋ maaŋ nyalɛ n sa menyi Mowabebi! Chemɔsh be kegbir nɛ menyee shuŋ na mur cheche! Men be kegbir na shin nɛ men be benyɛn shile kena n yɔ efuli pɔtɛ so. Nɛ beche na malɛ ki basa nɛ Amɔriebi be bewura pɛ kena to.

Ditɛronɔmi 18:12

Enyɛnpe menyi be Ebɔrɛ na kishi basa nɛ baa wora le be asheŋ ere nna, amoso nɛ e beeŋ chɛ menyi to n ju efuliana na n lar kasawule na so na.

Joshuwa 21:43

Enyɛnpe Ebɔrɛ na daŋ ta kasawule nɛ e nase kɔnɔ kpakpaso fanɛ e beeŋ sa bumo nananyɛnana na nna n sa Israɛlebi na. B ka kɔ n sɔ kasawule na nɛ b chena kumo so.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 11:23

Kananɛ Enyɛnpe, Israɛl be Ebɔrɛ na pɔɔ Amɔriebi so n sɔ kasawule na n sa bumo ere, nuso be ekpa nɛ fo alɛ kɔ nɛ fo tiŋ n sɔ kumo ashi bumo kutɔ?

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.

Ruf be kawɔl 1:15

Ndoŋ nna nɛ Nawomi kaŋɛ Ruf le: “Keni, fo chamana e bɛta a yɔ mbe basa kutɔ nɛ mbe kade to be ademaŋ to na, fo alɛ gba e bɛta nɛ fo nɛ mo kikɛ e baa yɔ.”