Demujipoana 11:2 - EBƆRƐ BE KAWƆL

² Giliad be eche gbagba malɛ gba daŋ kurge bibinyɛn nna n sa mo. Mbia na ka daŋ nɛ b ju Jɛfta n lɛ nseŋ kaŋɛ: “Fo maa ba nɛ fo ba nya anyi be kanaŋ to be kapetɛ n ji, ŋkpal manɛ so, eche pɔtɛ pibi e la fo.”

Demujipoana 11:2 ပူးပေါင်းရင်းမြစ်များ

Jɛnesis 12:10

Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.

Jɛnesis 21:10

Nɛ e kaŋɛ mo kul Eebraham le: “Lara kenyache ere nɛ mo pibinyɛn ere nfe, ŋkpal manɛ so, m pibinyɛn Aizek nɛ kenyache ere pibinyɛn maaŋ tiŋ m barga kapetɛ koŋwule to.”

Aŋasa 2:16

Kanyiasheŋ beeŋ mɔlga fo ashi beche nɛ baa lar bumo kulana be mman a ta kɔnɔ belbelso a fule benyɛn a ji na kutɔ.

Aŋasa 5:20

M pibinyɛn, manɛ e ba nɛ fee ta fo kasha n ya kaa sa eche pɔtɛ? Manɛ e ba nɛ enyɛn ko be eche be kebita bee par fo a chɔ fo eche peya?

Aŋasa 5:3

Eche nɛ lar mo kul be kaman be kɔnɔpurbi beeŋ tiŋ a du mɔlmɔlbi fanɛ ŋku, nɛ kumo be kepipe e baa wɔ ebel fanɛ mushoŋchu na,

Galeeshaebi 4:30

Ama nuso nɛ abɔrɛsibɛ na malɛ bee kaŋɛ fanɛ Ebɔrɛ daŋ kaŋɛ Eebraham? E yɛ: “Ju kenyache na nɛ mo pibinyɛn na, ŋkpal manɛ so, kenyache pibinyɛn na maaŋ tiŋ n tu eche nɛ e maŋ la kenya na pibinyɛn na n ji etuto na be asɔ nɛ e kɔ a sa mbia na be tɔnɔ.”

Ditɛronɔmi 23:2

Esa kama nɛ mo tuto nɛ mo nio maŋ kil pɔɛŋ nseŋ kurge mo nɛ mbe kaman to ebi n ya fo mbe kenana kudusopo kikɛ, maŋ naŋ ti Enyɛnpe Ebɔrɛ na be basa so.

Demujipoana 11:1

Jɛfta daa la enapo nɛ e kɔ kagbene nna nsaa kɔ kena ashi Giliad be efuli so. Mo tuto be ketre e daa la Giliad. Mo nio malɛ daa la sakaleche nna.

Demujipoana 11:3

Ndoŋ nna nɛ Jɛfta lar n shile n yɔ Tɔb be efuli so n ya chena nɛ basa galso ko malɛ chala bumo be amu n ya tu mo n chena nsaa bɛ mo so a wora asheŋ.