Demujipoana 11:13 - EBƆRƐ BE KAWƆL

¹³ Ndoŋ nna nɛ Ammɔn be ewura kaŋɛ Jɛfta be mbɔ na: “Israɛlebi ka shi Ijipt be efuli so m ba na b ba suge ma kasawule nɛ k yili lɔr nɛ baa tre Aanɔn ashi kelargato be kaseto be kaba so n ya fo lɔr nɛ baa tre Jabbɔk ashi kelargato be esoso be kaba so, hale ŋ keta loŋ n ya fo Jɔɔdan be lɔr na ase ashi epeŋitɔrkpa be kaba so na nna. Nɛ fo tea sha kayurwushi bre fo bɛta kasawule na n sa ma.”

Demujipoana 11:13 ပူးပေါင်းရင်းမြစ်များ

Jɛnesis 32:22

Kumo be kanyɛso nɛ Jeekɔb koso n ta mbe beche nɛ bumo be mbita anyɔ nɛ mbe bibinyɛn kudukako n ya bɔla Jabɔk be lɔr na be kakpa nɛ k maŋ wɔ nchiŋ na n dii.

Aŋasa 19:5

Efɛ be shɛdajipo ashi demujikpa maaŋ ta mbe kumu n ji nɛ e maŋ nya kasogberge.

Aŋasa 19:9

Efɛ be shɛdajipo ashi demujikpa maaŋ paŋ mbe kasogberge kikɛ. Efɛpo malɛ kikɛ beeŋ mur.

Ditɛronɔmi 2:37

Ama an daa maŋ yɔ Ammɔnebi be ndeana nɛ a wɔ kepreŋsawule na so, ŋko amo nɛ a wɔ lɔr nɛ baa tre Jabbɔk na ase, ŋko mboŋ nɛ Enyɛnpe Ebɔrɛ na kaŋɛ anyi fanɛ an sa maŋ yɔ amo to na.

Ditɛronɔmi 3:16

Nseŋ ta kasawule nɛ k dese yili Giliad n ya fo Aanɔn be lɔr ase na n sa Ruben nɛ Gad be eyiri to ebi. Aanɔn be lɔr na e daa la bumo be kelargato be kaseto be egbaŋ nɛ Jabbɔk be lɔr na malɛ daa la bumo be kelargato be esoso be egbaŋ nɛ kumo be kaba ya lar bumo nɛ Ammɔnebi be egbaŋ to.

Demujipoana 11:12

Kumo be kaman nɛ Jɛfta shuŋi mbɔ Ammɔn be ewura kutɔ nɛ b ya bishi mo le: “Manɛ nɛ an wora fo nɛ fo kre kena m ba nɛ fo ba kɔ anyi?”

Demujipoana 11:14

Nɛ Jɛfta naŋ bɛta n shuŋi mbɔ Ammɔn be ewura kutɔ,