Demujipoana 11:12 - EBƆRƐ BE KAWƆL

¹² Kumo be kaman nɛ Jɛfta shuŋi mbɔ Ammɔn be ewura kutɔ nɛ b ya bishi mo le: “Manɛ nɛ an wora fo nɛ fo kre kena m ba nɛ fo ba kɔ anyi?”

Demujipoana 11:12 ပူးပေါင်းရင်းမြစ်များ

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Nɔmbɛs 21:21

Kede be kaman nɛ Israɛlebi shuŋi mbɔ Sihɔn nɛ e la Amɔriebi be ewura na kutɔ fanɛ b ya kaŋɛ mo le:

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Ditɛronɔmi 2:26

An ka dii lɔr nɛ baa tre Aanɔn na nseŋ ya wora anyi be keeyi to ashi kakpa nɛ baa tre Kademɔt be keshishɛrsawule so na be kaman, nɛ n ta kayurwushi be kubɔya ere n shuŋi mbɔ ewura Sihɔn kutɔ ashi Hɛshbɔn:

Demujipoana 11:11

Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

Demujipoana 11:13

Ndoŋ nna nɛ Ammɔn be ewura kaŋɛ Jɛfta be mbɔ na: “Israɛlebi ka shi Ijipt be efuli so m ba na b ba suge ma kasawule nɛ k yili lɔr nɛ baa tre Aanɔn ashi kelargato be kaseto be kaba so n ya fo lɔr nɛ baa tre Jabbɔk ashi kelargato be esoso be kaba so, hale ŋ keta loŋ n ya fo Jɔɔdan be lɔr na ase ashi epeŋitɔrkpa be kaba so na nna. Nɛ fo tea sha kayurwushi bre fo bɛta kasawule na n sa ma.”

Demujipoana 12:2

Ama le nɛ Jɛfta kaŋɛ bumo: “Jemanɛ nɛ ma nɛ ma basa wɔ kenishipere to a kɔ Ammɔn be basa na, ŋ kela n tre menyi ama menyi maŋ mɔlga ma ashi bumo be enɔ to.