Demujipoana 11:11 - EBƆRƐ BE KAWƆL

¹¹ Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

Demujipoana 11:11 ပူးပေါင်းရင်းမြစ်များ

2 Kɔrintebi 3:5

Ama mannɛ fanɛ an gbagba ka kɔ eleŋ ko fanɛ an gbagba e wora kushuŋ na, Ebɔrɛ kutɔ nɛ anyi be eleŋ na bee shi.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Joshuwa 15:38

Dilɛan nɛ Mizpa nɛ Jokteel nɛ

Demujipoana 10:17

Ammɔnebi na daŋ kre kena m ba gama abar so ashi Giliad nna, nɛ Israɛlebi na malɛ gba gama abar so ashi Mizpa.

Demujipoana 11:12

Kumo be kaman nɛ Jɛfta shuŋi mbɔ Ammɔn be ewura kutɔ nɛ b ya bishi mo le: “Manɛ nɛ an wora fo nɛ fo kre kena m ba nɛ fo ba kɔ anyi?”

Demujipoana 11:29

Ndoŋ nna nɛ Enyɛnpe Ebɔrɛ na be Kiyoyu ba Jɛfta so nɛ e shi Giliad m ba choŋ Manase nseŋ naŋ bɛta m ba Mizpa nɛ k wɔ Giliad be kasawule so na n ya fin benapo. Kumo be kaman nɛ b kre kena n ya tu Ammɔnebi.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

1 Samuɛl 10:17

Nɛ Samuɛl shin nɛ Israɛlebi na gbargbar abar ashi Mizpa n shuŋ Enyɛnpe Ebɔrɛ ndoŋ

1 Samuɛl 11:15

Ndoŋ nna nɛ bumo kikɛ yɔ Gilgaal be kakpa nɛ baa bunyaŋ Ebɔrɛ na n ya yili kumo fanɛ Sɔɔl e la bumo be ewura. Kumo be kaman nɛ b lara kɔnɔkoŋwuleso be esarga ndoŋ nseŋ ji eyur ndoŋ ga.

1 Samuɛl 8:21

Samuɛl ka nu kusɔ kama nɛ b kaŋɛ na n loge nɛ e ya kaŋɛ Enyɛnpe Ebɔrɛ kumo.