Demujipoana 11:1 - EBƆRƐ BE KAWƆL

¹ Jɛfta daa la enapo nɛ e kɔ kagbene nna nsaa kɔ kena ashi Giliad be efuli so. Mo tuto be ketre e daa la Giliad. Mo nio malɛ daa la sakaleche nna.

Demujipoana 11:1 ပူးပေါင်းရင်းမြစ်များ

2 Bewura 5:1

Kanyɛn ko e daa wɔtɔ nɛ baa tre mo Neeman nɛ e daa la Siriya be benapo be enimu, nɛ Siriya be ewura daa sa mo bunyaŋ ga; ŋkpal Enyɛnpe Ebɔrɛ ka daŋ bɔla mo so n shin nɛ Siriyaebi be benapo daŋ kɔ m pɔɔ bumo doŋana so so. E daa nyi kena be kekɔ a chɔ ekama ama mo alɛ daa lɔ keboti nna.

Hibruwebi 11:32

To, ade kikɛ be kaman, a naŋ daga ŋ ka naŋ malga beyirdapo ko malɛ be asheŋ n ti so a? Saŋɛ maŋ wɔtɔ nɛ n naŋ malga Gidiɔn nɛ Barak nɛ Samsen nɛ Jɛfta nɛ Deevid nɛ Samuɛl nɛ anebiana na be asheŋ.

Demujipoana 10:18

Ndoŋ nna nɛ Giliad be benimu na kaŋɛ abar le: “Wanɛ e naŋ juŋkpar anyi nɛ an kɔ Ammɔnebi ere? Esa kama nɛ e beeŋ wora loŋ e naaŋ ki an kikɛ be enimu ashi Giliad nfe.”

Demujipoana 11:2

Giliad be eche gbagba malɛ gba daŋ kurge bibinyɛn nna n sa mo. Mbia na ka daŋ nɛ b ju Jɛfta n lɛ nseŋ kaŋɛ: “Fo maa ba nɛ fo ba nya anyi be kanaŋ to be kapetɛ n ji, ŋkpal manɛ so, eche pɔtɛ pibi e la fo.”

Demujipoana 6:12

Ndoŋ nna nɛ malaika na lar Gidiɔn so nseŋ kaŋɛ mo: “Enapo lempo, Enyɛnpe Ebɔrɛ na wɔ fo kutɔ!”

1 Samuɛl 12:11

Nɛ Enyɛnpe Ebɔrɛ shuŋi Gidiɔn nɛ Barak nɛ Jɛfta nɛ ma, nɛ an mɔlga menyi ashi men doŋana kutɔ nɛ men nya menyi be amu.