Demujipoana 10:16 - EBƆRƐ BE KAWƆL

¹⁶ Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

Demujipoana 10:16 ပူးပေါင်းရင်းမြစ်များ

Jɛnesis 6:6

Nɛ kumo be loŋ besa Enyɛnpe Ebɔrɛ na ga nseŋ jija mbe kagbene ŋkpal e ka to dimɛdi kasawule ere so so.

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Kronikɛls 15:8

Ewura Asa ka nu kewuŋkaŋɛ nɛ Odɛd pibinyɛn Azariya kaŋɛ na, nɛ e nya keleŋto. E daŋ mur agbir nɛ a wɔ Juda nɛ Bɛnjamin be kasawule so nna nɛ amo nɛ a wɔ nde nɛ e kɔ n sɔ Efrayim be abee be efuli so na kikɛ. E daŋ lɔŋɛ Enyɛnpe Ebɔrɛ be bɔrɛsure nɛ k daa yil bɔrɛlambu na be kelɔnɛ so ashi Jerusalɛm na gba nna m pɔr.

2 Kronikɛls 33:15

E daŋ lara efuli pɔtɛana so be agbirana nɛ kegbir be kapɔrduli nɛ e daŋ ta n yili bɔrɛsure na ase na nna ashi bɔrɛlambu na to. Nseŋ lara agbir be ebɔrɛsureana nɛ e pɔr n yili kebee nɛ b pɔr bɔrɛlambu na n yili so na nɛ Jerusalɛm be kade to kikɛ, n ta amo kikɛ n lar kade na be ekarso n ya lɛ.

2 Kronikɛls 7:14

nɛ ma basa bar bumo be amu kaseto ŋ chɛrga bumo be nfɛra a laŋɛ alubi nɛ baa wora na be kaplɛa so nseŋ kule ma bre, meeŋ yili esoso n nu bumo be kekule nseŋ ta bumo be alubi m paŋ bumo nseŋ naŋ nɛfa bumo be kasawule n shin nɛ k baa wora adɔjibi nɛnɛ.

Nshɛ 73:21

Ma kagbene to ka daa ji edɛ ŋkpal kusɔ nɛ k daa wora so na,

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Luuk 15:20

Ndoŋ nna nɛ e koso m pɛ epe be ekpa a ba mo tuto kutɔ. E ka ba kaa fo epe ŋ kraa wɔ kufɔ nɛ mo tuto wu mo nseŋ wu mo kuwɔr nseŋ shile n ya pɛ mo to kashaso n wora mo ansaŋ nɛ keba ga.

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Baru lela nɛ Jɔn kute na 11:34

Ndoŋ nna nɛ e bishi bumo: “Nnɛ nɛ men ta mo n nase?” Nɛ b kaŋɛ mo: “Ba keni ndoŋ Enyɛnpe.”

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Hibruwebi 3:10

Amoso nɛ n daŋ nya agbo n wɔtɔ bumo saŋɛ na ebi nseŋ kaŋɛ le na fanɛ: ‘Saŋɛ na kikɛ bumo be ŋgbene bee foe ekpa nna nɛ b maa pin ma ekpaana be asheŋ.’

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

Joshuwa 24:23

Ndoŋ nna nɛ Joshuwa kaŋɛ: “Men ta efuli pɔtɛana so be agbir nɛ a wɔ menyi kutɔ na n lɛ nseŋ ta menyi be ŋgbene kikɛ n sa Enyɛnpe, Israɛl be Ebɔrɛ na nawule.”

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.

1 Samuɛl 12:10

Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”

1 Samuɛl 7:4

Nɛ Israɛlebi na yige agbir nɛ baa tre Baal nɛ Ashtɔrɛf na be kebaashuŋ nsaa shuŋ Enyɛnpe Ebɔrɛ nawule.