Demujipoana 10:15 - EBƆRƐ BE KAWƆL

¹⁵ Nɛ Israɛlebi na kaŋɛ Enyɛnpe Ebɔrɛ na: “An wora alubi. Wora anyi kusɔ kama nɛ fee sha, ama jande mɔlga anyi kede bre to.”

Demujipoana 10:15 ပူးပေါင်းရင်းမြစ်များ

2 Samuɛl 10:12

Baa kɔ eleŋ nseŋ naa leŋ fo kumu to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nseŋ shin nɛ Enyɛnpe Ebɔrɛ malɛ be aparsheŋ a wora!”

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Samuɛl 15:26

Ama nɛ fanɛ e maŋ shuli bre, kumo ere e beeŋ tiŋ n wora ma kusɔ kama nɛ e bee sha.”

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

2 Samuɛl 24:14

Nɛ Deevid kaŋɛ le: “Nuso be asheŋ nde? Asheŋ ere be kekama maŋ bɔ! Ama maa sha keji tɔrɔ dimɛdi be enɔ to. Amoso shin nɛ Enyɛnpe Ebɔrɛ gbagba e gberge ma kusoe, ŋkpal manɛ so e la kuwɔrwu be Ebɔrɛ nna.”

Job be kawɔl 33:27

Loŋ malɛ kaŋ wora, baaŋ kaŋɛ ekama le: “An daŋ wora alubi nseŋ foe Ebɔrɛ be ekpa so, ama Ebɔrɛ ta m paŋ anyi

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Jona 2:4

Nɛ n fɛ fanɛ fo ju ma fo anishito nna, nɛ m maaŋ naŋ wu fo bɔrɛlambu cheembi na kenishiso kikɛ.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Joshuwa 9:25

Naniere bre an wɔ menyi be enɔ to nna na, amoso menyeeŋ tiŋ n wora anyi kusɔ kama nɛ menyee fɛ fanɛ k walɛ n sa menyi.”

1 Samuɛl 12:10

Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”

1 Samuɛl 3:18

Ndoŋ nna nɛ Samuɛl kaŋɛ mo kusɔ kama. E maŋ ta shɛŋ shɛŋ ŋ ŋana mo so. Nɛ Eli kaŋɛ le: “Mo e la Enyɛnpe Ebɔrɛ na, kusɔ kama nɛ k par mo e wora.”

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.