Demujipoana 10:11 - EBƆRƐ BE KAWƆL

¹¹ Nɛ Enyɛnpe Ebɔrɛ na kaŋɛ: “Jemanɛ nɛ Ijiptebi nɛ Amɔriebi nɛ Ammɔnebi nɛ Filistiebi nɛ

Demujipoana 10:11 ပူးပေါင်းရင်းမြစ်များ

Ɛksodɔs 14:30

Kumo be kamɔnchɛ nɛ Enyɛnpe Ebɔrɛ mɔlga Israɛlebi na ashi Ijiptebi na be enɔ to nɛ b wu Ijiptebi na ka wu a deŋ a deŋ teku na be ekarso.

Nɔmbɛs 21:35

Ndoŋ nna nɛ Israɛlebi na mɔ ewura Ɔg nɛ mbe mbinyɛnsobi nɛ mbe basa kikɛ nseŋ sɔ mbe kasawule na n chena so. Mbe esa kikɛ daa maŋ ji efute.

Hibruwebi 11:29

Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Demujipoana 2:12

B daŋ yige kebaabunyaŋ bumo tutoana be Ebɔrɛ nɛ e lara bumo Ijipt be efuli so m ba na nna, nsaa shuŋ basa nɛ b chena ŋ kulti bumo na be agbirana. Ndoŋ nna nɛ Enyɛnpe Ebɔrɛ na nya agbo n wɔtɔ bumo

Demujipoana 3:28

ŋ kaŋɛ: “Men bɛ ma so, ŋkpal manɛ so, Enyɛnpe Ebɔrɛ na teŋ shin nɛ men pɔɔ Mowabebi nɛ b la men doŋana na so.” Nɛ Israɛlebi na bɛ Ehud so n ya kɔ n suge kakpa nɛ Mowabebi na beeŋ bɔla n dii lɔr nɛ baa tre Jɔɔdan na. Israɛlebi na daŋ maŋ shin nɛ esa koŋwule gba nya n dii lɔr na.

Demujipoana 3:31

Ehud ka wu be kaman, kanyɛn nɛ baa tre Shamgaa nɛ e la Anaf pibinyɛn na, e sɔ mo so a juŋkpar Israɛlebi. E daŋ ta kedibi nɛ b shɛl fanɛ kekpa nna m mɔ Filisti be basa alfa ashe kachɛ koŋwule m mɔlga Israɛlebi.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.