Demujipoana 1:4 - EBƆRƐ BE KAWƆL

⁴ Judaebi na ka kre kena n ya tu Keenanebi nɛ bumo kurgepoana Pɛrizebi na, nɛ Enyɛnpe Ebɔrɛ shin nɛ Judaebi na kɔ m pɔɔ bumo so. Basa ŋgboŋ kudu nɛ b daŋ mɔ ashi kade ko nɛ baa tre Bɛzɛk na.

Demujipoana 1:4 ပူးပေါင်းရင်းမြစ်များ

1 Bewura 22:15

Amoso e ka yɔ ewura Ahab kutɔ, le nɛ e daŋ bishi mo: “Mikaya, k daga fanɛ ma nɛ ewura Jehoshafat ka ya kɔ Ramɔfebi kena ŋko k maŋ daga?” Nɛ anebi Mikaya kaŋɛ: “Men ya kɔ, ŋkpal manɛ so menyeeŋ pɔɔ so. Enyɛnpe Ebɔrɛ na beeŋ shin nɛ men kɔ m pɔɔ so.”

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 78:55

E daŋ ju efuli pɔtɛana na be basa nna n lar nseŋ barga kasawule na nɛ bumo be nwuana to n sa Israɛl be eyiri yiri nɛ b la mbe basa na.

Ditɛronɔmi 7:2

Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Demujipoana 1:3

Ndoŋ nna nɛ Juda be kabuna ebi na yɔ bumo kurgepoana, Simiɔn be kabuna ebi, kutɔ n ya kaŋɛ bumo le: “Men ba chɛ anyi to nɛ an kɔ Keenanebi nɛ b chena kasawule nɛ b chige n sa anyi na so na kena, saŋɛ na so nɛ menyi alɛ gba ya kaa kɔ kena nsaa sha kechɛto anyeeŋ ba chɛ menyi to.” Nɛ Simiɔn be kabuna ebi na tu bumo n yɔ.

Demujipoana 1:5

Ndoŋ nɛ b daŋ tu Keenanebi be ewura nɛ baa tre Adoni Bɛzɛk na nseŋ kɔ mo kena. Nɛ Keenanebi nɛ Pɛrizebi daŋ lara aya fuful n shile.

Demujipoana 11:32

Kede be kaman nɛ Jɛfta dii lɔr be kaba ndoŋ n ya kɔ Ammɔnebi na, nɛ Enyɛnpe Ebɔrɛ na shin nɛ e kɔ m pɔɔ bumo so.

Demujipoana 3:5

Israɛlebi na daŋ tu Keenanebi na nɛ Hitebi na nɛ Amɔriebi na nɛ Pɛrizebi na nɛ Hivebi na nɛ Jebusebi na kikɛ n chena nna.

1 Samuɛl 11:8

Sɔɔl daŋ shin nna nɛ bumo kikɛ gbargbar ashi Bɛzɛk. Bumo nɛ b daŋ shi Israɛl daa la basa ŋgboŋ alfa asa, nɛ basa ŋgboŋ adesa malɛ daŋ shi Juda.

1 Samuɛl 14:10

Ama nɛ b baŋ kaŋɛ fanɛ an ba bumo kutɔ bre, anyeeŋ yɔ, ŋkpal manɛ so, kumo be loŋ e naaŋ ŋini fanɛ Enyɛnpe Ebɔrɛ na beeŋ shin nɛ an kɔ m pɔɔ bumo so.”

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”