Demujipoana 1:20 - EBƆRƐ BE KAWƆL

²⁰ Judaebi na daŋ ta kade nɛ baa tre Hibrɔn na nna n sa Kalɛb nɛ e kɔ n ju Anak be mbinyɛnsobi asa na kumo to fanɛ kananɛ Mosis daŋ nase kɔnɔ n sa bumo na.

Demujipoana 1:20 ပူးပေါင်းရင်းမြစ်များ

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 14:24

Ama ŋkpal ma kayɛrbi Kalɛb bre ka maŋ du fanɛ bumo nɛ b ka na nseŋ ji kashenteŋ a sa ma so, meeŋ yɛra mo kasawule nɛ e ya dara na so nseŋ ta kumo n sa mbe kaman to ebi nɛ k ki bumo be kapetɛ.

Ditɛronɔmi 1:36

Jefune pibinyɛn nɛ baa tre Kalɛb na nawule e naaŋ yɔ kumo so, ŋkpal manɛ so, mo e ta mbe kagbene kikɛ m bɛ ma so. Amoso, meeŋ ta kasawule nɛ e ya dara ŋ keni na n sa mo nɛ mbe kaman to ebi.’ ”

Joshuwa 10:36

Ade kikɛ be kaman nɛ Joshuwa nɛ mbe benapo naŋ yili Iglɔn m bɔla abee ase n yɔ Hibrɔn n ya kɔ kumo kena

Joshuwa 11:21

Loŋ be jemanɛ na so nɛ Joshuwa ya kɔ nseŋ mur basa tenteŋ gboŋgboŋi nɛ baa tre Anakebi nɛ b wɔ abee so ashi Hibrɔn nɛ Debir nɛ Anaab nɛ Juda be abee be fuliso kikɛ ashi Israɛl be kasawule so. Joshuwa daŋ kɔ mur bumo nɛ bumo be nde kikɛ nna.

Joshuwa 14:15

Hibrɔn nɛ b daa tre Aba be kade. (Aba e daa la Anakebi na kikɛ be esa nɛ e wora asheŋgboŋ a chɔ ekama.) Ndoŋ nna nɛ kagbenewushi ba efuli na so.

Demujipoana 1:10

Kumo be kaman nɛ b naŋ kilgi n tu Keenanebi nɛ b wɔ kadegboŋ nɛ baa tre Hibrɔn nɛ kumo koŋwule na la Kiriaf Aaba na, n ya kɔ m pɔɔ mbuna asa nɛ baa tre Sheshayi nɛ Ahiman nɛ Talmai na so.