Demujipoana 1:15 - EBƆRƐ BE KAWƆL

¹⁵ Ndoŋ nna nɛ Aksa kaŋɛ: “Mee sha kasawule nɛ esa beeŋ tiŋ n nya nchu kumo so nna. Ŋkpal manɛ so, kasawule nɛ fo sa ma na la kasawule wɔlso nna nɛ nchu maŋ wɔ kumo so.” Nɛ Kalɛb sa mo achubu ko nɛ baa tre amo Esoso nɛ Kaseto be achubu na.

Demujipoana 1:15 ပူးပေါင်းရင်းမြစ်များ

Jɛnesis 33:11

Amoso, jande sɔ kakɛ nɛ n ta n shuŋi a sa fo ere, ŋkpal manɛ so, Ebɔrɛ wu ma kuwɔr ga n sa ma kusɔ kama nɛ k daga ma.” Ŋkpal Jeekɔb ka mata Isɔɔ so ga so nɛ e sɔ kakɛ na.

2 Kɔrintebi 9:5

Amoso nɛ n wu fanɛ a daga fanɛ n shin nɛ bekurgepoana ere e juŋkpar ma n yɔ men kutɔ n ya shin nɛ men bela men be kakɛ gboŋgboŋi nɛ men nase kɔnɔ fanɛ menyeeŋ sa na n yili. Saŋɛ na so, kakɛ na beeŋ baa yil fanɛ kashaso be kakɛ, mannɛ fanɛ kanyaŋso be kakɛ.

Hibruwebi 6:7

Ŋkpal manɛ so, kasawule kama nɛ k bee nu bɔrɛchu nɛ a bee kaa tɔr kumo so nsaa sɔr asɔrso nɛ a daga a sa basa nɛ b duu asɔ kumo so na bee nya Ebɔrɛ be nɛfa nna.

Joshuwa 15:19

Ndoŋ nna nɛ Aksa kaŋɛ mo le: “Mee sha kakpa nɛ nchu wɔ nna, ama kakpa nɛ fo sa ma ere la keshishɛrsawule nna.” Ndoŋ nna nɛ Kalɛb ta abuye anyɔ n sa mo. Kuko daa wɔ kepreŋ so nna nɛ kuko malɛ wɔ ketaŋɛ to.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

Demujipoana 1:14

Kachɛ nɛ b wora kejafɔ na nɛ Ofniɛl kaŋɛ Aksa fanɛ e ya kule mo tuto kasawule. Nɛ Aksa yɔ mo tuto kutɔ. E ka ya gbelge kurma nɛ e daa dii na so nɛ mo tuto, Kalɛb, bishi mo kusɔ nɛ e bee sha.

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

1 Samuɛl 25:18

Nɛ Abigɛl wora manaŋ n ta ebodobodo alfanyɔ nɛ nsaturbi be bɔlɔ anyɔ nɛ mbolpɔ nɛ b mɔ ŋ ŋese anu nɛ aboyu keeso be kilo kudu ashunu nɛ asɔrso jiso be asha kalfa nɛ figi be asɔrso wɔlso be ekrakashi alfa anyɔ ŋ kre amo n deŋi ekurma so.

1 Samuɛl 25:27

Amoso n nyɛnpe, sɔ ma kakɛ ere n sa fo basa na.