Danɛl 9:8 - EBƆRƐ BE KAWƆL

⁸ Anyi be bewura nɛ an be bejuŋkparpoana nɛ an nananyɛnana kikɛ wora anishinyɔr be asheŋ nɛ alubi ŋ gbiti fo Enyɛnpe Ebɔrɛ.

Danɛl 9:8 ပူးပေါင်းရင်းမြစ်များ

2 Bewura 21:15

Ŋkpal manɛ so ma basa Israɛlebi wora alubi ŋ gbiti ma nseŋ wɔtɔ ma agbo to yili saŋɛ nɛ bumo nananyɛnana lar Ijipt m ba fo kabre.”

2 Kronikɛls 6:37

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to e kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Aizaaya 64:4

Dra na kikɛ hale m ba fo kabre esa kikɛ maŋ naŋ wu ŋko n nu Ebɔrɛ ko nɛ e du fanɛ fo a tiŋ a wora emamachisheŋ a sa mbe bebɛsopo nɛ b ta bumo be tama n deŋi mo so.

Jɛremaya 14:20

Enyɛnpe Ebɔrɛ, an wora alubi n da fo so. Anyi nɛ an nananyɛnana kikɛ wora n jija ŋkpal an ka kini fo nseŋ lar fo kaman so.

Jɛremaya 32:32

ŋkpal asheŋ lubi nɛ Juda nɛ Jerusalɛm to be basa nɛ bumo be bewuraana nɛ bejuŋkparpoana nɛ bɔrɛmatapoana nɛ anebiana na wora na kikɛ so.

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 3:42

An lar fo kaman n wora alubi!

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 5:6

Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Danɛl 9:9

Kashenteŋ nna fanɛ an kini kenu n sa fo nseŋ wora kumu kpakpaso, ama fo kraa wu anyi kuwɔr nsaa ta anyi be alubi a paŋ anyi.