Danɛl 9:26 - EBƆRƐ BE KAWƆL

²⁶ Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Danɛl 9:26 ပူးပေါင်းရင်းမြစ်များ

2 Samuɛl 21:5

Nɛ b yɛ: “Sɔɔl daa sha kemur anyi kikɛ nna, saŋɛ na so anyi be ekama maaŋ naa wɔ Israɛl be efuli so.

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Aizaaya 28:2

Enyɛnpe Ebɔrɛ na teŋ nya esa ko nɛ e kɔ eleŋ nɛ yuku nseŋ wora shiriya nɛ e kɔ bumo. E la esa nɛ e beeŋ ba fanɛ bɔrɛfugboŋ nɛ kumo nɛ bɔrɛchu wea abar to a ba nɛ k ba buu kasawule so na nna.

Aizaaya 28:22

Men sa maŋ kaa mushe kasokpele nɛ mee sa menyi ere! Nɛ men kaŋ wora loŋ, k beeŋ baa du kpakpa n sa menyi nɛ men nya n lar asheŋ to. N nu fanɛ Enyɛnpetale Ebɔrɛ na yili kumo nna fanɛ e beeŋ mur efuli na kikɛ.

Aizaaya 53:8

B daŋ pɛ mo nseŋ ji mo demu nɛ k maŋ niŋi. Kumo be kaman nɛ b kaŋɛ fanɛ e daga b mɔ mo; mbe asheŋ malɛ daa maŋ tir esa kikɛ. B daŋ mɔ mo nna ŋkpal anyi be basa be asheŋ lubi so.

Aizaaya 8:7

Ma, Enyɛnpe Ebɔrɛ na, beeŋ shin nɛ Asiriya be ewurgboŋ nɛ mbe benapo kikɛ e ba kɔ Juda be basa. Asiriyaebi na beeŋ ba buu bumo so fanɛ Lɔrgboŋ nɛ baa tre Yufreetes na ka bɔlɔ n dii kumo be kepla kikɛ so na.

Jɛremaya 46:7

Efuli mo nde, nɛ k koso fanɛ kananɛ Nail be Lɔrgboŋ na bee bɔlɔ a dii kumo be agurɔŋgu so ashi Ijipt be efuli so?

Jɛremaya 51:42

Babilɔn mo doŋana beeŋ koso fanɛ ketili ka koso teku so na, m ba buu kadegboŋ na so.

Danɛl 11:10

Siriya be efuli so be ewura na be mbinyɛnsobi beeŋ chala benapo damta n wora kena to be shiriya n lar fanɛ nchu ka bɔlɔ n sɔ kakpa a ba na, ŋ kɔ m ba fo bumo doŋana be egbal nɛ b pɔr ŋ kulti bumo be kade na.

Danɛl 11:17

Ewura na beeŋ bela ase n ta mbe benapo kikɛ n ya kɔ kena a fin kedii m pugi efuli na kikɛ so. Kumo be kaman nɛ e baa fin fanɛ mo nɛ mo doŋana na e wora kɔnɔkoŋwule nseŋ ta mo pibiche n sa Ijipt be efuli so be ewura na fanɛ e kil. Ama amo nɛ amo kikɛ ŋkre na maaŋ tiŋ n nyalɛ kikɛ.

Danɛl 11:22

E beeŋ mur benapo damta, n ta Ebɔrɛ be bɔrɛmatapo nimuso gba n ti so.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Hoziya 1:9

Ndoŋ nna nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ammi. Kumo be kifito e la fanɛ b maŋ naa la ma basa. Ŋkpal manɛ so, Israɛl be basa na maŋ naa la ma basa, nɛ ma alɛ gba maŋ naa la bumo be Ebɔrɛ.”

Eemɔs 8:8

Amoso kasawule beeŋ gbuŋgbuŋ to nɛ kagbenejija e tɔr efuli ere be basa kikɛ so nɛ b baa wora kuwɔr be asheŋ. Efuli na kikɛ beeŋ baga to fanɛ kananɛ lɔrgboŋ nɛ baa tre Nail ashi Ijipt be efuli so na bee kaa ketili a yɔ a ba na.

Eemɔs 9:5

Enyɛnpetale Ewurgboŋ baaŋ beta kasawule ere, k bee ŋalga nna, nɛ bekama nɛ b wɔ kumo so kikɛ, e baa shu nli. E bee shin nna nɛ kasawule bee dii a gbelge fanɛ kananɛ lɔrgboŋ nɛ baa tre Nail na bee dii a gbelge na ashi Ijipt be efuli so na.

Nahum 1:8

Ama e bee mur mo doŋana bre nna fanɛ nchugboŋ ka jija asɔ na. Mo alɛ naa yɛr bumo nɛ baa ji mo emɔrɔ na luwu to nna.

Matiu 22:2

“Ebɔrɛso be kuwura na to du fanɛ ewura ko ka wora kejafɔ to be kejigboŋ nna n sa mo pibinyɛn.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.

Matiu 23:38

To, naniere bre, Ebɔrɛ lara mbe enɔ ashi menyi be asheŋ to nseŋ yige menyi n to.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Maak 13:2

Nɛ Yesu bishi mo le: “Fo wu nwu gboŋ ere ŋko? Kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Maak 13:7

Nɛ men kaŋ ba kaa nu fanɛ basa bee kɔ abar ana nseŋ naa nu fanɛ basa beeŋ kɔ abar ana, men sa maŋ shin nɛ menyi be ŋgbene e baa ku menyi, ŋkpal manɛ so, a daga loŋ be asheŋ na ka wora, ama lalaloge be jemanɛ na maŋ naŋ fo pɔɛŋ.

Maak 9:12

Nɛ e kaŋɛ bumo le: “Kashenteŋ, Elaija bee juŋkpar a ba nna nɛ e ba lɔŋɛ kusɔ kama n yili. Ŋkeshin nɛ manɛ e ba nɛ abɔrɛsibɛ na bee kaŋɛ fanɛ ma, Nyiŋgbasa Pibinyɛn beeŋ ji etɔrɔ damta nɛ b keni ma jiga?

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Luuk 21:6

“Asɔ nɛ menyee wu ere bre kikɛ, saŋko beeŋ ba nɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

Luuk 24:46

nseŋ kaŋɛ bumo le: “Abɔrɛsibɛ na bee kaŋɛ fanɛ a daga fanɛ Kristo na ka ji awurfoŋ n wu,

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.