Danɛl 9:25 - EBƆRƐ BE KAWƆL

²⁵ A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Danɛl 9:25 ပူးပေါင်းရင်းမြစ်များ

2 Samuɛl 15:25

Ndoŋ nna nɛ ewura na kaŋɛ Zadɔk le: “Men bɛta ŋkre be deka na n yɔ Jerusalɛm be kade to. Nɛ Ebɔrɛ shuli, e beeŋ shin nɛ m bɛta m ba wu kakpa nɛ k wɔ kachako.

Ɛzra 4:24

Ndoŋ nna nɛ bɔrɛlambu na be kapɔr na shir n yili loŋ hale n ya fo Pɛshiya be ewurgboŋ Dariɔs be kuwurji be kafɛ nyɔsopo to.

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Ɛzra 7:8

Loŋ be kafɛ shunusopo na be kufɔl nusopo na to nɛ Ɛzra bɛta m ba Jerusalɛm.

Nehemaya 3:1

Kananɛ b lɔŋɛ m pɔr Jerusalɛm be egbalana na nde. Bɔrɛmatapo nimuso Eliyashib nɛ mo braana bɔrɛmatapoana na e lɔŋɛ kakpa nɛ baa tre Mbolpɔ be Kabuna ekpa na m pɔr nseŋ wɔtɔ kumo akuloŋ. Kumo be kaman nɛ b yili ndoŋ n ta egbal na be mba nɛ baa tre Ebu jeŋgreŋ Kalfa nɛ Hanamɛl be Ebu jeŋgreŋ na kikɛ m bɔɔ Ebɔrɛ enɔ.

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Nehemaya 4:8

nseŋ daŋ kre fanɛ baaŋ bar kebagato nseŋ kɔ Jerusalɛmebi na.

Nehemaya 6:15

Nchɛ adunu nɛ anyɔ nɛ an ta m pɔr Jerusalɛm be egbalana na n loge. Juwebi be kufɔl nɛ baa tre Elul na be kachɛ adunyɔ nɛ anusopo na nɛ egbal na be kushuŋ loge.

Nshɛ 71:10

Bedoŋ bee malga a gbiti ma nna; b shɛr nna a kre ma kemɔ be nia.

Kaŋinichiŋgeliŋ 3:3

Mo e yili luwu nɛ eyur be alenfia be saŋɛ, nseŋ yili keda n lɛ nɛ kepɔr be saŋɛ.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Danɛl 8:11

E daŋ kini kenu n sa ebɔrɛso be benapo be enimu na nna hale n shin nɛ e maŋ naa tiŋ a lara karechɛ kama be sarga na, nɛ kumo be loŋ shin nɛ bɔrɛlambu na maŋ naa du cheembi.

Danɛl 8:25

Ŋkpal mbe kafulesheŋ so, asheŋ beeŋ baa nyalɛ n sa mo nɛ e fara a wu mbe kumu fanɛ e bɔ basa damta. E beeŋ mur basa damta nseŋ koso a kɔ Ebɔrɛ nɛ e la bewura kikɛ to be ewura na. Ama Ebɔrɛ be eleŋ beeŋ ba mur mo cheche.

Danɛl 9:23

Saŋɛ nɛ fo fara a kule kabɔrɛkule na kikɛ nɛ Ebɔrɛ nu fo kekule na. Ebɔrɛ bee sha fo nna amoso nɛ m ba nɛ m ba kaŋɛ fo kabɔrɛkule na be atuwebi. Amoso kaŋ kusoe n nu kusɔ nɛ mee shin nɛ ŋ kaŋɛ fo naniere.

Maika 5:1

Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 13:23

Asɔ duuso nɛ a tɔr eshishɛr lela to na du fanɛ esa nɛ e bee nu kamalga na nsaa pin kumo to na nna. Le be esa e naa bar tɔnɔ kashenteŋto na fanɛ kananɛ asɔ duuso bee wora bibi na, saŋko a bee wora bibi kalfa, saŋko bibi adeshe, nɛ saŋko malɛ bibi adesa.”

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Baru lela nɛ Jɔn kute na 1:41

Kusɔ nɛ Andru daŋ baŋ fara n wora e la fanɛ e daŋ fin mo da Saimɔn nna ŋ kaŋɛ mo le: “An wu Mesaya na.” Kumo e la fanɛ Kristo na.

Baru lela nɛ Jɔn kute na 4:25

Nɛ kache na kaŋɛ Yesu le: “Ma alɛ gba nyi fanɛ kachako Mesaya nɛ baa tre Kristo na beeŋ ba, mo alɛ kaŋ ba, e beeŋ bugi kusɔ kama to n sa anyi.”

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

Ashuŋ Shunso 8:30

Ndoŋ nna nɛ Filip shile n yɔ n ya nu e ka bee kraŋ anebi Aizaaya be kawɔl nɛ e bishi mo: “Fee pin kusɔ nɛ fee kraŋ ere to a?”

Ɛfesesebi 5:16

Saŋɛ lubi to nɛ an wɔ na, amoso, men sa maa jija saŋɛ gbrɛbi kikɛ nɛ men nya.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”