Danɛl 9:22 - EBƆRƐ BE KAWƆL

²² Le nɛ e daŋ kaŋɛ ma: “M ba nfe nna nɛ m ba bugi bɔrɛdare na be kifito nɛnɛ n sa fo.

Danɛl 9:22 ပူးပေါင်းရင်းမြစ်များ

Danɛl 10:11

Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha.

Danɛl 10:12

Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 7:16

Nɛ n yɔ bumo nɛ b yil ndoŋ na be eko kutɔ n ya kaŋɛ mo fanɛ e kaŋɛ ma bɔrɛdare na be kifito. Ndoŋ nna nɛ e kaŋɛ ma kumo be kifito.

Danɛl 8:16

Nɛ n nu ebɔl ka shi nchu nɛ b kur nɛ baa tre Ulai na ase a kaŋɛ le: “Geebriɛl, bugi to ŋ kaŋɛ mo kusɔ nɛ e wu na be kifito.”

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.

Zakareya 1:14

Nɛ malaika na malɛ kaŋɛ ma fanɛ m ber kusɔ nɛ Enyɛnpetale Ebɔrɛ na kaŋɛ na be kubomboŋ. E yɛ: “Mee sha Jerusalɛm nɛ k la ma kadegboŋ cheembi na alegaiso,

Zakareya 1:9

Ndoŋ nna nɛ m bishi malaika nɛ e bee bugi asheŋ to a sa ma na le: “Manɛ nɛ egbaŋɛ ere bee ŋini?” Nɛ e kaŋɛ ma: “Meeŋ ŋini fo kusɔ nɛ e bee ŋini.”

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”