Danɛl 9:21 - EBƆRƐ BE KAWƆL

²¹ Ŋ ka bee kule Ebɔrɛ na, nɛ malaika nɛ baa tre Geebriɛl nɛ n daŋ wu mo ashi ma bɔrɛdare sososo na to na, firgi a gbelge to a ba kakpa nɛ n wɔ na. Kumo be jemanɛ nɛ kaaseso be sarga be kelara fo.

Danɛl 9:21 ပူးပေါင်းရင်းမြစ်များ

1 Bewura 18:29

B daa cha awɔr nna nsaa malga kawuliso be mmalga hale n ya fo kaaseso ama amo nɛ amo kikɛ b daa maŋ nu shɛŋ.

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 104:4

Fo e ta afuana fanɛ fo mbɔ nsaa ta bɔrɛ be kenyɛkpɛ malɛ fanɛ fo nyɛrbi.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Ɛksodɔs 29:39

Men ta kukoŋwule n lara sarga na kachipurso nseŋ ta kumo nɛ k ka malɛ n lara sarga kaaseso.

Aizaaya 6:2

Nɛ asɔbɔya keniso nɛ baa suse so fanɛ edɛ be adondulombi na yili ŋ kulti mo. Bumo be ekama daa kɔ mbuibi be aba ashe nna. Asɔbɔya na be ekama daŋ ta mbe mbuibi be aba anyɔ nna m buu mbe anishiakpa so nseŋ ta anyɔ m buu mbe eyur so nseŋ ta anyɔ nɛ a ka na a firgi.

Ezikɛl 1:11

Asɔbɔya keniso na daŋ parga bumo be aba na be anyɔ anyɔ to nna nɛ a beta bumo braana nɛ b wɔ bumo be jisoso nɛ bena so na peya, nseŋ parga anyɔ anyɔ nɛ a ka malɛ to m buu bumo be eyurana so.

Ezikɛl 1:14

Bumo alɛ daa yɔ anishito nsaa bɛta kaman manaŋ manaŋ nna fanɛ bɔrɛ ka bee nyɛkpɛ na.

Ezikɛl 14:14

hale nɛ Nowa nɛ Danɛl nɛ Job, gba daŋ ti bumo so, bumo be alelasheŋ daa beeŋ tiŋ m mɔlga bumo gbagba nawule nna ama mannɛ basa na kikɛ.” Ma, Enyɛnpetale Ebɔrɛ e kaŋɛ na.

Danɛl 10:10

Ndoŋ nna nɛ enɔ ko pɛ ma to m maŋ so nɛ ŋ gbir ma amuli so nɛ ma enɔ yirgi kasawule so nɛ mee chicha.

Danɛl 10:16

Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so.

Danɛl 10:18

Nɛ malaika na naŋ pɛ ma to nɛ n naŋ nya eleŋ.

Danɛl 8:16

Nɛ n nu ebɔl ka shi nchu nɛ b kur nɛ baa tre Ulai na ase a kaŋɛ le: “Geebriɛl, bugi to ŋ kaŋɛ mo kusɔ nɛ e wu na be kifito.”

Danɛl 8:18

E ka bee malga na, nɛ n dese m mata kasawule fanɛ ŋ ka kreŋ na. Ama e daŋ pɛ ma to nna nɛ ŋ koso n yili ma aya so,

Matiu 27:46

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elai, Elai, lama sabaktani?” Kumo be kifito e la fanɛ: “Ma Ebɔrɛ, ma Ebɔrɛ, manɛ e ba nɛ fo yige ma?”

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 1:26

Elizabɛt be kedampo be kufɔl shesopo to nɛ Ebɔrɛ shuŋi malaika Geebriɛl Galili be kade ko to nɛ baa tre Nazarɛt.

Ashuŋ Shunso 10:3

Kachako kapaso, fanɛ kerfi asa be jemanɛ nɛ e ku bɔrɛdare ko n wu Ebɔrɛ be malaika geeŋ ka ba kaŋɛ mo: “Kɔɔnilias.”

Ashuŋ Shunso 10:9

Kumo be ŋklade b ka ya taga to Jɔpa nɛ Pita malɛ dii kuchoŋi kapaso be jemanɛ nɛ e ya kule Ebɔrɛ.

Ashuŋ Shunso 12:7

Epul na to nɛ Enyɛnpe be malaika ko ba yili ndoŋ nɛ kefulto ko nyaŋɛ n fuli ebu na to nɛ malaika na beta Pita be kekel so n tiŋi mo nseŋ kaŋɛ mo: “Yeŋi so ŋ koso.” Epul na to nɛ ŋgbɛlɛbi na lar mbe enɔana to n tɔr.

Ashuŋ Shunso 3:1

Kachako Pita nɛ Jɔn ka bee yɔ bɔrɛlambu na to kapaso kerfi asa, jemanɛ nɛ basa daa yɔ n ya kaa bunyaŋ Ebɔrɛ bumo be kabɔrɛkule to na

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 1:7

Le nɛ mo alɛ naŋ malga mbe emalaika koŋwule na be asheŋ ŋ kaŋɛ: “Ma, Ebɔrɛ bee shin nɛ ma emalaika bee wora fanɛ afu nna nɛ ma anya malɛ bee wora fanɛ edɛ a chɔɔ wuloŋwuloŋ.”

Kelaraŋŋini 9:17

Egbaŋɛ nɛ bediipo mo nɛ n daŋ wu bɔrɛdare na to na daa du le nna: Bumo be ŋgbene so be asɔ kuŋso daŋ pere nna kpaiŋ fanɛ ŋklaŋ nseŋ naŋ nyɔɔ tuum fanɛ gra n naa la kachɔnɔnyifu fanɛ jɛrbi. Egbaŋɛ na be amu daa du fanɛ ebuluŋ be amu nna nɛ edɛ nɛ edishi nɛ asɔ chɔɔso ko fanɛ jɛrbi shi bumo be nnɔ to n lar.