Danɛl 9:2 - EBƆRƐ BE KAWƆL

² Mbe kuwura be kafɛ juŋkparso to nɛ n daa koya nwɔl cheembi na nsaa fɛ kananɛ Enyɛnpetale Ebɔrɛ na kaŋɛ anebi Jɛremaya fanɛ Jerusalɛm beeŋ mur nɛ esa kikɛ maa naa wɔ kumo to n ya fo nfɛ adushunu na be asheŋ.

Danɛl 9:2 ပူးပေါင်းရင်းမြစ်များ

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Ɛzra 1:1

Sairus ka ji Pɛshiya be kuwura be kafɛ juŋkparso to nɛ Enyɛnpe Ebɔrɛ na shin nɛ mbe kamalga nɛ e bɔla anebi Jɛremaya so m malga n nase na bɔlɔ so. E daŋ shin nna nɛ Pɛshiya be ewura Sairus sa ebɔl fanɛ b sibɛ n sa efuli na so ebi kikɛ ŋ kaŋɛ bumo fanɛ

Nshɛ 119:24

Fo mbraana e naa shin nɛ ma kagbene bee fuli ma ga; amo e naa ji ma asoe to.

Aizaaya 64:10

Fo ndegboŋ cheembiana na be kekama ki fanɛ keshishɛrsawule nna. Jerusalɛm ki kelambure nna nɛ ekama maŋ naa wɔ kumo to.

Jɛremaya 1:1

Jɛremaya nɛ e la Hilkiya pibinyɛn nseŋ shi bɔrɛmatapoana be kanaŋ to ashi kade nɛ baa tre Anatɔf nɛ k wɔ Bɛnjamin be yiri to ebi be kasawule so na be mmalga nɛ e wɔ kawɔl ere to nde.

Jɛremaya 25:18

Jerusalɛm to nɛ Juda be ndeana to be basa kikɛ, n ta bumo be bewura nɛ benimuana gba kikɛ n ti so beeŋ nuu kawiebi na to be asɔ nuuso na, saŋɛ na so bumo alɛ gba be kasawule beeŋ ki fanɛ keshishɛrsawule nɛ esa e wu kumo nɛ k chinchiŋ mo. A loŋ beeŋ shin nɛ basa e baa ta bumo be ketre e shoduu fanɛ kananɛ baa wora m ba fo kabre na.

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Ezikɛl 29:11

Dimɛdi ŋko kusɔbɔya kikɛ maaŋ naŋ bɔla kasawule na so n choŋ kikɛ. Nfɛ adena nɛ shɛŋ maŋ naa wɔ kumo so.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Zakareya 1:12

Nɛ malaika na kaŋɛ: “Enyɛnpetale Ebɔrɛ, fo ka nya agbo n wɔtɔ Jerusalɛm nɛ nde nɛ a wɔ Juda be efuli so na be nfɛ adushunu nde. Saŋɛ mo nɛ feeŋ wu bumo kuwɔr?”

Zakareya 7:5

E yɛ: “Kaŋɛ efuli na so ebi nɛ bɔrɛmatapoana na fanɛ mannɛ ma ere be kemaŋkura so nɛ b daa kishi nsaa shu nli kufɔl nusopo nɛ keshunusopo na to nfɛ adushunu nɛ a choŋ na.

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Ashuŋ Shunso 8:34

Nɛ krachigboŋ na bishi Filip: “Kaŋɛ ma esa nɛ anebi ere bee malga mbe asheŋ ere, mo gbagba be asheŋ ŋko esa pɔtɛ?”

1 Timoti 4:13

Pɔɛŋ nɛ m ba, baa kraŋ abɔrɛsibɛ na a sa asɔri to ebi a leŋ bumo to nsaa ŋini bumo abɔrɛsheŋ na.

Kelaraŋŋini 1:3

Nɛfa la ekama nɛ e bee kraŋ abɔrɛsheŋ be kewuŋkaŋɛ be mmalga ere nɛ bekama nɛ baa nu amo nsaa ta asɔ nɛ n sibɛ n wɔtɔ amo to a wɔtɔ bumo be ŋgbene to na peya nna, ŋkpal manɛ so, amo be saŋɛ na bee taga to.