Danɛl 9:19 - EBƆRƐ BE KAWƆL

¹⁹ Enyɛnpe Ebɔrɛ, nu anyi be kekule nseŋ ta an be alubi m paŋ anyi! Enyɛnpe Ebɔrɛ, wora kusɔ ko n sa anyi naniere, saŋɛ na so fo ketre beeŋ nya kemaŋkura.”

Danɛl 9:19 ပူးပေါင်းရင်းမြစ်များ

2 Kronikɛls 6:21

Saŋkama nɛ ma nɛ fo basa Israɛlebi baŋ kilgi anishito n shoŋi kakpa ere a kule fo Ebɔrɛ, fo yili fo pe ebɔrɛso n nu n sa anyi nseŋ ta anyi be alubi m paŋ anyi.

2 Kronikɛls 6:39

kumo ere fo yili esoso n nu bumo be kekule nseŋ wu bumo kuwɔr n ta fo basa be alubi kikɛ m paŋ bumo.

Aizaaya 43:7

Men la ŋ gbagba be basa nna, nɛ n to menyi nɛ men baa kemaŋkura ma.”

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 14:9

Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”

Jɛremaya 25:29

Jerusalɛm nɛ k la ŋ gbagba be kadegboŋ na to nɛ meeŋ shin nɛ kemur na e fara. B sa maa fɛ fanɛ kasogberge maaŋ ba bumo so. Bumo alɛ gba beeŋ nya kasogberge, ŋkpal manɛ so, meeŋ shin nɛ kena e ku basa kikɛ nɛ b wɔ durnya to be efuliana so. Ma, Enyɛnpe Ebɔrɛ e kaŋɛ na.

Ezikɛl 20:14

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n lara bumo ashi Ijipt be efuli so na be anishito so.

Ezikɛl 20:22

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n juŋkpar bumo n lar Ijipt be efuli so na be anishito so.

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Ezikɛl 36:22

Amoso kaŋɛ Israɛlebi na kubɔya nɛ ma, Enyɛnpetale Ebɔrɛ na kɔ nɛ sa bumo: Mannɛ menyi Israɛlebi so nɛ meeŋ wora kusɔ nɛ mee sha kewora ere, ama ma ketre cheembi nɛ men ŋaba efuli pɔtɛ kama nɛ men yɔ kumo so na so.

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Danɛl 9:18

O Ebɔrɛ, kaŋ kusoe n nu anyi be kekule nseŋ keni etɔrɔ nɛ awurfoŋ nɛ anyee ji ashi kade nɛ fo ketre deŋ so na to. Anyee kule fo nna ŋkpal fo ka bee wu kuwɔr so, mannɛ an ka la basa cheembi so.

Eemɔs 7:2

Elotɔr na ka ji kasawule ere so be adɔjibi kikɛ n loge na nɛ ŋ kaŋɛ le: “Enyɛnpetale, ta fo basa Israɛlebi be alubi m paŋ bumo! Nuso nɛ baaŋ wora n ji efute? B maŋ shibi bumo alɛ maŋ naa kɔ eleŋ.”

Nɔmbɛs 14:19

Amoso Enyɛnpe Ebɔrɛ, keni fo kashenteŋ be kasha nɛ fo kɔ na so nseŋ ta basa ere be alubi m paŋ bumo fanɛ kananɛ fo ta m paŋ bumo, yili saŋɛ nɛ b lar Ijipt be efuli so kikɛ m ba fo kabre na.”

Nɔmbɛs 6:27

“Ŋkpal manɛ so, b baŋ ta ma ketre ŋ kule nɛfa n sa Israɛlebi na, ma alɛ beeŋ nɛfa bumo.”

Luuk 11:8

To, manɛ e naŋ ka? Ma e kaŋɛ menyi na fanɛ nɛ e maŋ koso n sa fo bodobodo na ŋkpal fo ka la mo teri so gba, e beeŋ koso n sa fo kusɔ kama nɛ fee sha ŋkpal fo ka maŋ wora anishinyɔr nseŋ pere kenishi a yil a kule mo so.

Ashuŋ Shunso 15:17

Nɛ basa pɔtɛ nɛ b ka na kikɛ nɛ nnyamase nɛ n lara ŋ ki meya na kikɛ e ba fin ma.

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.