Danɛl 9:18 - EBƆRƐ BE KAWƆL

¹⁸ O Ebɔrɛ, kaŋ kusoe n nu anyi be kekule nseŋ keni etɔrɔ nɛ awurfoŋ nɛ anyee ji ashi kade nɛ fo ketre deŋ so na to. Anyee kule fo nna ŋkpal fo ka bee wu kuwɔr so, mannɛ an ka la basa cheembi so.

Danɛl 9:18 ပူးပေါင်းရင်းမြစ်များ

1 Bewura 8:29

Baa keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ ndoŋ nɛ baaŋ baa bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu n sa ma.

2 Bewura 19:16

Baŋ keni kananɛ Asiriya be ewura, Sennakerɛb tege fo, Ebɔrɛ nɛ fee sa ŋkpa na.

Nshɛ 116:1

Mee sha Enyɛnpe Ebɔrɛ na, ŋkpal e kaa bee nu ma kekule so. Ŋ ka kule mo fanɛ e wu ma kuwɔr, e daŋ nu ma kabɔrɛkule nna.

Nshɛ 25:6

N nyɛnpe, nyiŋi fo kuwɔrwu nɛ fo kasha nɛ k maa loge, nsaa wɔtɔ dra dra na kikɛ na.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Aizaaya 37:17

Keni kananɛ Asiriya be ewura, Sennakerɛb bee tege fo Ebɔrɛ nɛ fee sa ŋkpa na loŋ.

Aizaaya 43:7

Men la ŋ gbagba be basa nna, nɛ n to menyi nɛ men baa kemaŋkura ma.”

Aizaaya 64:12

O Enyɛnpe Ebɔrɛ, ade kikɛ maa gbuŋgbuŋ fo a? Ama feeŋ wora shruum ŋ kplaŋ anyi nɛ an baa wɔ kasogberge nɛ k shi m pɔɔ anyi so ere to a?

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 14:9

Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Jɛremaya 25:29

Jerusalɛm nɛ k la ŋ gbagba be kadegboŋ na to nɛ meeŋ shin nɛ kemur na e fara. B sa maa fɛ fanɛ kasogberge maaŋ ba bumo so. Bumo alɛ gba beeŋ nya kasogberge, ŋkpal manɛ so, meeŋ shin nɛ kena e ku basa kikɛ nɛ b wɔ durnya to be efuliana so. Ma, Enyɛnpe Ebɔrɛ e kaŋɛ na.

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 37:20

To, Yiramu, naniere mee kule fo nna. Jande nu ma kekule nsaa maŋ naŋ bɛta ma n yɔ kabuti to ashi Jonatan be laŋ to. Fo baŋ bɛta ma n yɔ, meeŋ wu ndoŋ.”

Ezikɛl 36:22

Amoso kaŋɛ Israɛlebi na kubɔya nɛ ma, Enyɛnpetale Ebɔrɛ na kɔ nɛ sa bumo: Mannɛ menyi Israɛlebi so nɛ meeŋ wora kusɔ nɛ mee sha kewora ere, ama ma ketre cheembi nɛ men ŋaba efuli pɔtɛ kama nɛ men yɔ kumo so na so.

Ezikɛl 36:32

Kede be kaman nɛ Enyɛnpetale Ebɔrɛ na kaŋɛ le: Israɛlebi, mee sha nɛ men pin fanɛ mannɛ menyi so nɛ mee wora asheŋ ere, ama mee sha nna nɛ anishinyɔr nɛ nyɔmɔ e pɛ menyi ŋkpal asheŋ nɛ men wora na so.”

Danɛl 9:7

Kusɔ nɛ k walɛ nɛ fo ere Enyɛnpe Ebɔrɛ bee wora saŋkikɛ. Ama anishinyɔr nɛ anyi ere bee kil a sa anyi be amu. Anyi bekama nɛ an wɔ Judiya be kasawule so nɛ Jerusalɛm to nɛ bekama nɛ fo shin nɛ b pesaŋ to n yɔ efuli wɔfɔana nɛ amo nɛ a taga to kikɛ so wora alubi ŋkpal an ka daa maa ji kashenteŋ a sa fo so na.

Nɔmbɛs 6:27

“Ŋkpal manɛ so, b baŋ ta ma ketre ŋ kule nɛfa n sa Israɛlebi na, ma alɛ beeŋ nɛfa bumo.”

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.