Danɛl 9:15 - EBƆRƐ BE KAWƆL

¹⁵ O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Danɛl 9:15 ပူးပေါင်းရင်းမြစ်များ

1 Bewura 8:51

Fo basa gbagba e la bumo nɛ b daa ji awurfoŋ ga nɛ fo lara bumo ashi Ijipt be kasawule so na.

2 Bewura 21:15

Ŋkpal manɛ so ma basa Israɛlebi wora alubi ŋ gbiti ma nseŋ wɔtɔ ma agbo to yili saŋɛ nɛ bumo nananyɛnana lar Ijipt m ba fo kabre.”

2 Kronikɛls 6:37

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to e kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Nehemaya 9:10

Fo daa nyi kananɛ Ijipt be ewurgboŋ Fɛɛro nɛ mbe ekrachiana nɛ efuli na kikɛ be basa daŋ kɔrfɛ fo basa. Amoso fo daŋ wora emamachisheŋ nɛ e bee keta kufu nna ŋ gbiti Ijipt be efuli so be ewura Fɛɛro nɛ mbe basa nseŋ nya ketre lela nɛ k wɔtɔ hale nɛ mbre.

Nshɛ 106:8

Ama e daŋ mɔlga bumo, fanɛ kananɛ e nase kɔnɔ na; nseŋ ŋini bumo mbe eleŋgboŋ.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:16

Le be kejigboŋ ere malɛ beeŋ baa du fanɛ tɔɔnɛ be asɔ nɛ anyee kre a mata enɔ so ŋko nsɔto nna a nyiŋi anyi kananɛ Enyɛnpe ŋini eleŋ n lara anyi ashi Ijipt be efuli so.’ ”

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 14:18

Saŋɛ nɛ n nya kemaŋkura ashi Fɛɛro nɛ mbe benapo so na nɛ Ijiptebi beeŋ pin fanɛ ma e la Enyɛnpe Ebɔrɛ na.”

Ɛksodɔs 32:11

Ama Mosis daŋ kule mo Nyɛnpe nɛ mbe Ebɔrɛ na nna ga, nseŋ kaŋɛ: N Nyɛnpe, manɛ e ba nɛ fo shin nɛ fo kagbene kaa ŋkpal fo basa mo nɛ fo ta fo eleŋgboŋ nɛ fo enɔ lempo na n lara ashi Ijipt be kasawule so so?

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 55:13

Ndibi sɔrso beeŋ kɔr n yili mboŋ nɛ ewidibi daa yil, saŋɛ na so k beeŋ baa la tɔɔnɛ a dese mbaanaayɔ. Kumo alɛ beeŋ naa la kanyiŋi a laŋɛ kusɔ nɛ ma, Enyɛnpe Ebɔrɛ na wora be kaplɛa so.”

Aizaaya 64:4

Dra na kikɛ hale m ba fo kabre esa kikɛ maŋ naŋ wu ŋko n nu Ebɔrɛ ko nɛ e du fanɛ fo a tiŋ a wora emamachisheŋ a sa mbe bebɛsopo nɛ b ta bumo be tama n deŋi mo so.

Jɛremaya 14:20

Enyɛnpe Ebɔrɛ, an wora alubi n da fo so. Anyi nɛ an nananyɛnana kikɛ wora n jija ŋkpal an ka kini fo nseŋ lar fo kaman so.

Jɛremaya 32:10

Pɔɛŋ nɛ ŋ ka mo amansherbi na, n daŋ yisi enɔ kumo be nwɔl so nna n shin nɛ eshɛdajipo ko gba yisi enɔ kumo so. Kumo be kaman nɛ n ta kawɔl be kebersobi m ber nwɔl nɛ an wora na be kuko so nseŋ ta kusɔ nɛ k bee ta asɔ be egbɛ na ŋ karga gbiti na.

Nfabel 3:42

An lar fo kaman n wora alubi!

Ezikɛl 5:6

Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Luuk 15:21

Nɛ kebinyɛnbi na kaŋɛ mo le: ‘N tuto, n wora alubi ŋ gbiti fo nɛ Ebɔrɛ. A maŋ naŋ daga b ka naa tre ma fo pibi.’

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.