Danɛl 9:14 - EBƆRƐ BE KAWƆL

¹⁴ O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Danɛl 9:14 ပူးပေါင်းရင်းမြစ်များ

2 Kronikɛls 12:6

Nɛ ewura na nɛ mbe bejuŋkparpoana shuli fanɛ b wora kulubi nseŋ kaŋɛ le: “Kusɔ nɛ Enyɛnpe Ebɔrɛ wora na kɔ akpa.”

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Nshɛ 111:7

Ebɔrɛ be kasheŋwora kikɛ to, e bee ji asheŋ nɛ amo be ekpa so nna. Esa beeŋ tiŋ n yirda mbe mbraana.

Nshɛ 116:5

Enyɛnpe Ebɔrɛ na bee wu kuwɔr nsaa walɛ; Kashenteŋto Ebɔrɛ kɔ kushuso pasaa.

Nshɛ 119:137

O Enyɛnpe Ebɔrɛ, fo niŋi nna nɛ fo mbraana malɛ bɔla ekpa.

Nshɛ 51:14

Mɔlga ma ashi kamɔ be kulubi to. Ŋkpal manɛ so, fo nawule e naŋ tiŋ m mɔlga ma. Saŋɛ na so meeŋ boŋ kashɛ awɔrso ŋ kaŋɛ fo kumɔlga be eleŋ na be asheŋ.

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 31:28

Kananɛ n daa keni nɛ b tia bumo nseŋ lara bumo n lɛ m mur bumo na, a loŋ nɛ meeŋ naa keni nɛ b naŋ laŋɛ bumo m ba chena nseŋ chɛ bumo to nɛ b salga to.

Jɛremaya 4:17

nsaa ba nɛ b ba kulti Jerusalɛm ŋ kɔ kumo kena. Ŋkpal manɛ so, basa na kini Enyɛnpe Ebɔrɛ na nseŋ lar mbe kaman. Ma, Enyɛnpe Ebɔrɛ e kaŋɛ na.”

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Nfabel 1:5

Bedoŋ e naa ji kadegboŋ na so kuwura nsaa wɔ kumo to a wora bumo be kepar. Enyɛnpe Ebɔrɛ na e gberge Jerusalɛm be basa kusoe ŋkpal asheŋ lubi damta nɛ b wora na so. E shin nɛ bedoŋ pɛ bumo ŋ ki anya nna n yɔ efuli wɔfɔ so.

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 9:7

Kusɔ nɛ k walɛ nɛ fo ere Enyɛnpe Ebɔrɛ bee wora saŋkikɛ. Ama anishinyɔr nɛ anyi ere bee kil a sa anyi be amu. Anyi bekama nɛ an wɔ Judiya be kasawule so nɛ Jerusalɛm to nɛ bekama nɛ fo shin nɛ b pesaŋ to n yɔ efuli wɔfɔana nɛ amo nɛ a taga to kikɛ so wora alubi ŋkpal an ka daa maa ji kashenteŋ a sa fo so na.