Danɛl 9:13 - EBƆRƐ BE KAWƆL

¹³ Kasogberge nɛ k dese Mosis be mbra na to na ba anyi kikɛ so. Ama amo nɛ amo kikɛ an kraa maa wora fo aparsheŋ. Kumo e la fanɛ an maŋ yige alubi be kewora, anyi alɛ maa bɛ fo kashenteŋ na so.

Danɛl 9:13 ပူးပေါင်းရင်းမြစ်များ

2 Bewura 22:16

kubɔya nɛ k shi Enyɛnpe Ebɔrɛ kutɔ nde. Ebɔrɛ yɛ: “Meeŋ gberge Jerusalɛm be basa kikɛ kusoe fanɛ kananɛ b kraŋ mbra be kawɔl na to ashi Juda be ewura be anishito na.

Job be kawɔl 36:13

Basa nɛ b maa ŋana Ebɔrɛ ashi bumo be ŋgbene to, kanya agbo e bɔlɔ bumo to. Nɛ Ebɔrɛ baŋ gberge bumo kusoe gba b maa kule mo fanɛ e chɛ bumo to.

Nshɛ 119:18

Bugi ma nfɛra to nɛ n tiŋ m pin emamachisheŋ nɛ e wɔ fo mbra to.

Nshɛ 119:27

Chɛ ma to nɛ n tiŋ m pin fo mbraana to, saŋɛ na so meeŋ baa fɛ fo emamachisheŋ be asheŋ.

Nshɛ 119:73

Fo e to ma nseŋ bela ma eyur n chuge abar so; sa ma kanyiasheŋ nɛ ŋ koya fo mbraana na.

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 42:9

Asheŋ kama nɛ ŋ kaŋɛ fanɛ a beeŋ wora na wora kashenteŋto. Naniere meeŋ naaŋ kaŋɛ fo asheŋ popɔr pɔɛŋ nɛ a fara a wora.”

Aizaaya 43:22

Ade be kaman, nɛ Enyɛnpe Ebɔrɛ na naŋ kaŋɛ le: “Ama ma asheŋ gba menyi, Israɛl be basa, nna nɛ menyi maŋ naa shuŋ ma.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Aizaaya 9:13

Enyɛnpetale Ebɔrɛ be kasogberge nɛ e sa Israɛl be basa na be kaman, b kra maŋ tuba m bɛta m ba mo kutɔ.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Jɛremaya 44:23

Jɛrbi nɛ men ji ere ba nna ŋkpal men ka lara esarga n sa agbirana nseŋ wora kulubi n da Enyɛnpe Ebɔrɛ na so nsaa maŋ wora mbe mbraana nɛ keŋini kikɛ kasonu so.

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Nfabel 5:21

O Enyɛnpe Ebɔrɛ, naŋ bɛta anyi m ba fo kutɔ! Nseŋ naŋ shin nɛ an nya anyi be kebaawɔtɔ lela dra na!

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Hoziya 7:10

Israɛl be basa be kamoowu e naa ji bumo na. Ama amo nɛ amo kikɛ, b maŋ bɛta m ba ma Enyɛnpe, bumo be Ebɔrɛ na kutɔ.

Hoziya 7:14

B maa bugi ŋgbene a kule ma. Baa tɔr nna a gbelti a shu fanɛ kananɛ nnyamase bee wora na. B baa kule ma adɔjibi nɛ asɔnuuso gba; baa ta asɔ nna a chaŋɛ a chaŋɛ bumo be eyur fanɛ kananɛ nnyamase bee wora na. Kashenteŋto b la basa nɛ b kini ma nna.

Hoziya 7:7

B du fanɛ edɛ be adondulombi nna a chɔɔ bumo be bejuŋkparpoana a mɔ. Kukoko to nɛ baa mɔ bumo be bewura, ama bumo alɛ be ekama daa maa kule ma a fin kechɛto.”

Luuk 24:45

Ndoŋ nna nɛ e shin nɛ bumo be ŋgbene bugi nɛ b tiŋ m pin abɔrɛsibɛ na be afito

Baru lela nɛ Jɔn kute na 10:35

To, an nyi abɔrɛsibɛ na ka maa chɛrga kikɛ. Amoso, a ka kaŋɛ fanɛ Ebɔrɛ tre basa mo nɛ mbe kamalga ba bumo to ebɔrɛana ere,

Baru lela nɛ Jɔn kute na 6:45

Anebiana na be nsibɛ na to bee kaŋɛ fanɛ: ‘Ebɔrɛ beeŋ ŋini basa kikɛ asheŋ.’ Ekama nɛ e bee nu kusɔ nɛ Etuto na bee kaŋɛ nseŋ naa koya asheŋ ashi mo kutɔ bee ba ŋ kutɔ nna.

Baru lela nɛ Jɔn kute na 8:32

Saŋɛ na so, menyeeŋ pin kashenteŋ na nɛ kashenteŋ na e shin nɛ men lar kenyaya to.”

Ɛfesesebi 4:21

M baa nyi men ka daŋ nu mbe asheŋ nɛ b naŋ ŋini menyi kashenteŋ nɛ k wɔ mo koŋwule Kristo to na.

Ditɛronɔmi 29:4

Ama hale nɛ mbre loŋ be asɔ kraa maŋ shin nɛ men pin asheŋ nɛ men wu nseŋ nu na kikɛ to.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.