Danɛl 9:1 - EBƆRƐ BE KAWƆL

¹ Jemanɛ ko ka ba fo nɛ ewura Sɛksis pibinyɛn Dairus nɛ e la Mɛdi be esa na ji kuwura ashi Babilɔn be efuli so.

Danɛl 9:1 ပူးပေါင်းရင်းမြစ်များ

Ɛzra 4:6

Kafɛ nɛ ewurgboŋ Zɛɛzɛs ji kuwura na nɛ basa nɛ b daa wɔ Juda nɛ Jerusalɛm to na be bedoŋ sibɛ kawɔl ŋ ku bumo kɔnɔ.

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Danɛl 1:21

Danɛl daŋ ji ewurkpa na nna hale n ya fo kafɛ nɛ Pɛshiya be efuli so be ewura nɛ baa tre Sairus kɔ m pɔɔ Babilɔn be efuli so nseŋ ji kumo be kuwura na.

Danɛl 1:4

E yɛ a daga fanɛ loŋ be basa e baa walɛ ayɛrbi nsaa kɔ kenyi a koya asheŋ manaŋ manaŋ, nsaa la basa nɛ b nya kebla lela. Bumo alɛ e sa maa kɔ ndulgi kikɛ bumo be eyur so, saŋɛ na so baaŋ nya ekpa a shuŋ ewurkpa. E yɛ Ashpenaaz e ŋini bumo Babilɔnebi be ŋgbar nɛ kumo be kakraŋ nɛ kasibɛ.

Danɛl 11:1

Dairus nɛ e la Mɛdi be esa na be kuwurji be kafɛ sososo to nɛ m ba kaa chɛ to a kuŋ mo.

Danɛl 5:31

Ndoŋ nna nɛ Dairus nɛ e shi Mɛdi be efuli so nseŋ ji nfɛ adeshe nɛ anyɔ na ki Babilɔn be ewura.

Danɛl 6:1

Ewura Dairus daŋ lara egomena kalfa nɛ adunyɔ nna nseŋ shin nɛ bumo be ekama bee keni mbe efuli be kaba ko so.

Danɛl 6:28

Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.