Danɛl 8:8 - EBƆRƐ BE KAWƆL

⁸ Kaboe na daa nya eleŋ nna ga a ti so. Ama kumo be eleŋ na ka fo ekar, nɛ kumo be kelambɛ na bu n tɔr. K ka bu na nɛ alambɛ tenteŋ ana ba tal kumo to. Amo be kuko daŋ kilgi nna n shoŋi kelargato be esoso be kaba so, nɛ kuko kilgi n shoŋi epeŋilarkpa be kaba so, nɛ kuko gba kilgi n shoŋi kelargato be kaseto be kaba so, nɛ kumo nɛ k ka malɛ kilgi n shoŋi epeŋitɔrkpa be kaba so.

Danɛl 8:8 ပူးပေါင်းရင်းမြစ်များ

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

Ɛsta 9:4

Mɔdikaya daŋ ki esagboŋ nna ashi ewurkpa na nɛ mbe ketre dii ashi efuli na so kikɛ nɛ mbe eleŋ malɛ bee ti so saŋkama.

Jɛremaya 49:36

Bedoŋ beeŋ shi kaba kama so m ba kɔ Elam be basa nseŋ pɛ bumo tintiŋso n yɔ durnya to be efuli kama so.

Jɛremaya 5:27

Kananɛ ekpampo bee pɛ mbuibi a bɔlɔ katurwe na, aloŋ nɛ baa suge ma basa be asɔ a bɔlɔ bumo be elaŋana to. Amoso nɛ b dii kedama nsaa kɔ eleŋ ga

Ezikɛl 16:7

Kumo be kaman nɛ n ta fo n ya bela fo fanɛ kusɔ duuso popɔrbi na. Ndoŋ nna nɛ fo daŋ nɛnɛ ŋ ki suŋguru n nyalɛ kebita. Nɛ fo anyipo koso n yili fo kagbene to nɛ fo emin daŋ m ba buu fo abatimu so, ama nɛ fo kraa maa dela shɛŋ.

Ezikɛl 28:9

Jemanɛ nɛ baaŋ ba mɔ fo na, fo kraa beeŋ baa fɛ fanɛ kegbir e la fo a? Jemanɛ nɛ feeŋ yili fo bemɔpo be anishito na, dimɛdi e naaŋ baa la fo mannɛ kegbir.

Danɛl 11:4

Ama k maaŋ chɛr nɛ mbe efuli na e bure m barga to n yɔ durnya ere be abonfu ana ere kikɛ to. Nɛ efuli popɔrana nɛ amo be bewura maŋ shi ewura lempo na be kanaŋ to e bɔla amo to n lar. Bewuraana na malɛ maaŋ baa kɔ eleŋ fanɛ mo.

Danɛl 4:31

E kraa malga nna nɛ ebɔl shi ebɔrɛso ŋ kaŋɛ mo le: “Ewura Nebukadneeza, nu nfe! B sɔ fo kuwurji ashi fo kutɔ.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Danɛl 7:6

Kusɔbɔya sasopo na malɛ daa du fanɛ karmɛ nna nsaa kɔ atɛ ana kumo be kaman fanɛ kabuibi na nɛ amu ana. B daŋ shin nna nɛ k ji kuwura.

Danɛl 8:22

Alambɛ ana nɛ a ba tal kumo nɛ k bu na to na malɛ yili nna a sa fanɛ efuli na so be kuwurji beeŋ ba barga to ana, ama amo alɛ be kekama be eleŋ maaŋ fo sososo peya na so.

Danɛl 8:5

Ŋ ka yil a fɛ kesheŋ ere be kifito be asheŋ, nɛ n wu kaboe ka shi epeŋitɔrkpa be kaba so a shile eleŋso hale nɛ mbe aya gba maŋ naa fo kasawule. Kumo alɛ daa kɔ kelambɛ gboŋgboŋi nna ashi kumo be anishi anyɔ na be nferinto.

Danɛl 8:7

Ndoŋ nna nɛ n wu k ka bee kɔ kpakpa na agbo so hale m buri kumo be alambɛ anyɔ na kikɛ. Kpakpa na daa maŋ naa kɔ eleŋ nɛ k kɔ n sɔ kumo be kumu nɛ kaboe na da kumo ase a chichi chichi kumo so. Esa kama malɛ daa maŋ wɔtɔ nɛ e mɔlga kumo.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Maak 13:27

Meeŋ shuŋi ma emalaika durnya ere to be abonfu ana na to nɛ b ya yili durnya ere to nɛ esoso be kebonfu ko to n chala ma basa laraso n ya fo durnya ere nɛ ebɔrɛso be ekar m ba ma kutɔ.

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.