Danɛl 8:7 - EBƆRƐ BE KAWƆL

⁷ Ndoŋ nna nɛ n wu k ka bee kɔ kpakpa na agbo so hale m buri kumo be alambɛ anyɔ na kikɛ. Kpakpa na daa maŋ naa kɔ eleŋ nɛ k kɔ n sɔ kumo be kumu nɛ kaboe na da kumo ase a chichi chichi kumo so. Esa kama malɛ daa maŋ wɔtɔ nɛ e mɔlga kumo.

Danɛl 8:7 ပူးပေါင်းရင်းမြစ်များ

Danɛl 11:11

Ijipt be efuli so be ewura na beeŋ nya agbo ga n lar n ya kɔ Siriya be efuli so be ewura na kena n suge mbe benapo damta na kikɛ.

Danɛl 7:12

B daŋ sɔ asɔbɔya nɛ b ka na bre be eleŋ nna, nseŋ sa bumo ekpa fanɛ b baa wɔtɔ n ya fo saŋko.

Danɛl 7:7

Kusɔbɔya nasopo na daa kɔ eleŋ ga a chɔ bumo nɛ b ka na nɛ kumo be asheŋ kɔ kufu ga. K daa kɔ abɛlso be anyii bɛaŋbilaŋ bɛaŋbilaŋ nna a kpɛa kusɔ kama nɛ k tu to nsaa chichi amo nɛ a ka malɛ so a bɛa to. Kumo alɛ daa kɔr asɔbɔya nɛ a ka na kikɛ to nna nsaa kɔ alambɛ kudu ashi kumo be kumu so.

Danɛl 8:10

Kumo be eleŋ daŋ wora keshi nna ga hale nɛ k tu esoso be achɛkpabi, nɛ e yili n sa ebɔrɛso be benapo na, ŋ kɔ kena nseŋ ta amo be ako n lɛ to kasawule n chichi amo so.

Danɛl 8:6

K daŋ yarase eleŋso nna n yɔ kpakpa nɛ n wu nɛ k yil nchu nɛ b kur na ase na kutɔ.

Danɛl 8:8

Kaboe na daa nya eleŋ nna ga a ti so. Ama kumo be eleŋ na ka fo ekar, nɛ kumo be kelambɛ na bu n tɔr. K ka bu na nɛ alambɛ tenteŋ ana ba tal kumo to. Amo be kuko daŋ kilgi nna n shoŋi kelargato be esoso be kaba so, nɛ kuko kilgi n shoŋi epeŋilarkpa be kaba so, nɛ kuko gba kilgi n shoŋi kelargato be kaseto be kaba so, nɛ kumo nɛ k ka malɛ kilgi n shoŋi epeŋitɔrkpa be kaba so.

Levitikɔs 26:37

Menyeeŋ fiti abar n lar n tɔr jemanɛ nɛ esa kama maŋ ju a buu menyi so. Menyi maaŋ naŋ tiŋ ŋ kɔ edoŋ kikɛ.

Joshuwa 8:20

Ai be benyɛn na ka gbɛ ŋ keni nɛ bumo be kade kikɛ bee suse edɛ nɛ edishi bee dii a yɔ awɔlpa to. Nɛ b wora cham a maŋ naa nyi kakpa nɛ baaŋ naŋ bɔla ŋ ŋana, ŋkpal manɛ so saŋɛ na so nɛ Israɛlebi nɛ b daŋ ju a yɔ keshishɛrsawule so na malɛ kilgi nɛ b kɔ bumo.