Danɛl 8:4 - EBƆRƐ BE KAWƆL

⁴ Nɛ kpakpa na yeŋ to a tɛto a yɔ epeŋitɔrkpa nɛ kelargato be esoso nɛ kelargato be kaseto be mba so. Kusɔbɔya malɛ kikɛ maŋ tiŋ n yili n tu kumo ŋ kɔ m pɔɔ kumo so. Amoso kumo be kepar nɛ k daa wora nsaa nya eleŋ ga a ti so.

Danɛl 8:4 ပူးပေါင်းရင်းမြစ်များ

1 Bewura 22:11

Chinana pibinyɛn Zɛdikaya nɛ e la anebiana be eko bre daŋ bɛl abɛlso be alambɛ nna nseŋ kaŋɛ ewura Ahab le: “Enyɛnpe Ebɔrɛ yɛ, le be kusɔ ere nɛ feeŋ ta ŋ kɔ Siriyaebi na kena m pɔɔ bumo so cheche.”

Job be kawɔl 10:7

Fo nyi ŋ ka maŋ wora n jija, ama wanɛ e naaŋ tiŋ m malga ŋ kuŋ ma fo kutɔ?

Nshɛ 44:5

Fo eleŋgboŋ na e shin nɛ an ŋmɛa an doŋana n lɛ nseŋ chichi bumo so.

Nshɛ 50:22

Men kplaŋ ma so, amoso men kaŋ kusoe n nu nfe, nɛ mannɛ aloŋ meeŋ mur menyi nɛ esa kama maaŋ chɛ menyi to.

Nshɛ 7:2

Nɛ mannɛ aloŋ baaŋ kpɛa ma to fanɛ buluŋ ka kpɛa kusɔbɔya to na. Esa kama maaŋ tiŋ n sɔ ma ama fo nawule.

Ezikɛl 34:21

Ŋkpal manɛ so, menyi bumo nɛ men kɔ eleŋ na bee ŋin bumo nɛ b maŋ kɔ eleŋ na nna a lar ekarso nsaa ta menyi be alambɛ a pur bumo a lar ma mbolpɔ to.

Danɛl 11:16

Siriya be efuli so be ewura nɛ e bee kɔ a sɔ nde na beeŋ wora kusɔ nɛ e bee sha nɛ esa kama maaŋ tiŋ ŋ kaŋɛ mo shɛŋ. Mo alɛ beeŋ sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na a ji kumo so eleŋ.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Danɛl 7:5

Kusɔbɔya nyɔsopo na malɛ daa du nna fanɛ shishiri nsaa yil kumo be mmantoya so. Akentibi asa daa fɛa kumo be kɔnɔ to nna, nɛ ebɔl ko kaŋɛ kumo le: “We eblaŋ na kanaŋkamaso nɛ fee sha!”

Danɛl 8:7

Ndoŋ nna nɛ n wu k ka bee kɔ kpakpa na agbo so hale m buri kumo be alambɛ anyɔ na kikɛ. Kpakpa na daa maŋ naa kɔ eleŋ nɛ k kɔ n sɔ kumo be kumu nɛ kaboe na da kumo ase a chichi chichi kumo so. Esa kama malɛ daa maŋ wɔtɔ nɛ e mɔlga kumo.

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”