Danɛl 8:3 - EBƆRƐ BE KAWƆL

³ Ndoŋ, nɛ n wu kpakpa ko ka kɔ alambɛ tenteŋ anyɔ, nɛ kuko wɔ nteŋ nsaa la kepopɔr a chɔ kuko.

Danɛl 8:3 ပူးပေါင်းရင်းမြစ်များ

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Ɛzra 4:5

Nɛ b ya ber Pɛshiya be gomena be benimu ko paa fanɛ b ba funti Judaebi na n lara bumo lambu na be kapɔr to. Ewura Sairus be jemanɛ so nɛ b keta kumo loŋ hale m ba fo ewura Dariɔs be jemanɛ so.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Aizaaya 13:17

Ade be kaman nɛ Enyɛnpe Ebɔrɛ na naŋ kaŋɛ le: “Meeŋ we n wɔtɔ efuli nɛ baa tre Mɛdi na be basa nɛ b koso m ba kɔ Babilɔn be efuli so be basa kena. Bumo ere be shɛŋ maŋ wɔ shuwa nɛ gbiti to.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Danɛl 10:5

Ŋ ka maŋ kumu so, nɛ n wu esa ko ka buu ago be epiŋi fuful nseŋ chɛ shuwa malɛ be kreso kashɛr to.

Danɛl 2:39

Fo kuwura ere be kaman kuwurgboŋ ko nɛ k maŋ fo feya ere so beeŋ ba, kumo alɛ be kaman nɛ danyaŋ be kuwurgboŋ e bɛ so n ji durnya kikɛ so kuwura.

Danɛl 5:31

Ndoŋ nna nɛ Dairus nɛ e shi Mɛdi be efuli so nseŋ ji nfɛ adeshe nɛ anyɔ na ki Babilɔn be ewura.

Danɛl 6:28

Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.

Danɛl 7:5

Kusɔbɔya nyɔsopo na malɛ daa du nna fanɛ shishiri nsaa yil kumo be mmantoya so. Akentibi asa daa fɛa kumo be kɔnɔ to nna, nɛ ebɔl ko kaŋɛ kumo le: “We eblaŋ na kanaŋkamaso nɛ fee sha!”

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Danɛl 8:20

Kpakpa nɛ k kɔ alambɛ anyɔ na yili nna a sa Midia nɛ Pɛshiya be efuli so be bewura.

Zakareya 1:18

Ade be kaman nɛ n naŋ ku bɔrɛdare ko n wu asɔbɔya be alambɛ ana ko.

Zakareya 2:1

Ndoŋ nna nɛ n naŋ ku bɔrɛdare n wu kanyɛn ko nɛ e kɔ efɔl karga asɔ to.

Zakareya 5:1

Kede be kaman nɛ n naŋ to kenishi ŋ keni n wu kawɔl sibɛso ko ka bee firgi afu to.

Zakareya 5:5

Kumo be kaman nɛ malaika na naŋ lar ŋ kaŋɛ ma le: “Keni awɔlto, kusɔ pɔtɛ ko bee ba!”

Zakareya 5:9

Ŋ ka naŋ maŋ kumu so ŋ keni esoso nɛ n wu beche anyɔ ko nɛ b kɔ tɔkɔrkɔ be atɛ lempo ka firgi m ba ŋ kutɔ m ba fuu kelantaŋɛ na n firgi a yɔ.

Zakareya 6:1

Kede be kaman nɛ n naŋ ku bɔrɛdare ko gba n wu egbaŋɛturko ana ko ka shi danyaŋ be abee anyɔ ko be kefɛato a ba.

Nɔmbɛs 24:2

nseŋ wu Israɛlebi na ka wora bumo be nyi to n chena eyiri yiri be ntuŋ so. Ndoŋ nna nɛ Enyɛnpe Ebɔrɛ be kiyoyu gbelge mo so,

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

Kelaraŋŋini 13:11

Ndoŋ nna nɛ n naŋ wu kusɔbɔya ko ka shi kasawule so n lar. E daa kɔ alambɛ anyɔ nna fanɛ Kpakpafɔlbi peya, ama mo alɛ daa malga nna fanɛ kusɔ gbeyeso gboŋgboŋi nɛ k du fanɛ laŋchaŋ na nna.

Kelaraŋŋini 5:6

Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.