Danɛl 8:25 - EBƆRƐ BE KAWƆL

²⁵ Ŋkpal mbe kafulesheŋ so, asheŋ beeŋ baa nyalɛ n sa mo nɛ e fara a wu mbe kumu fanɛ e bɔ basa damta. E beeŋ mur basa damta nseŋ koso a kɔ Ebɔrɛ nɛ e la bewura kikɛ to be ewura na. Ama Ebɔrɛ be eleŋ beeŋ ba mur mo cheche.

Danɛl 8:25 ပူးပေါင်းရင်းမြစ်များ

Job be kawɔl 34:20

Bewura nɛ b ji eleŋ ga gba bee wu kanyɛso, tentembiri to, jemanɛ nɛ b maa fɛ fanɛ loŋ beeŋ wora, fanɛ anyi be ekama nna.

Jɛremaya 48:26

Kumo be kaman nɛ Enyɛnpe Ebɔrɛ na naŋ kaŋɛ le: “Ŋkpal Mowabebi ka keni ma, Enyɛnpe Ebɔrɛ na jiga nseŋ kaŋɛ fanɛ b kɔ eleŋ a chɔ ma so, meeŋ kaŋɛ efuli pɔtɛana na be basa fanɛ b shin nɛ Mowab be basa e nuu nsa m boo nseŋ kwiɛ n dese amo to a melti; saŋɛ na so basa beeŋ mushe bumo.”

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Danɛl 11:12

Kumo be kaman nɛ kamoowu e luri Ijipt be efuli so be ewura na to, ŋkpal mbe kekɔmpɔɔso nɛ benapo damta nɛ e mɔ na so. Ama mannɛ saŋkama nɛ e beeŋ ba kɔ a pɔɔ so.

Danɛl 11:45

Kede be kaman nɛ e yuu bewura be wajɛbu gboŋgboŋi ashi Teku nɛ baa tre Mɛditerenia nɛ k wɔ epeŋitɔrkpa na nɛ kebee nɛ bɔrɛlambu na yil so na be kefɛato. Ama ndoŋ nɛ e beeŋ wu nɛ esa kama maŋ chɛ mo to.”

Danɛl 7:26

Nɛ b ji mo demu ashi ebɔrɛso n sɔ mbe eleŋ nseŋ mur mo cheche.

Danɛl 7:8

Ŋ ka bee keni kumo be alambɛ na, nɛ n wu kelambɛ fimbi ko ka lar amo to m ba tia alambɛ na be asa ashi amo be kakpa. Le be kelambɛbi ere daa kɔ dimɛdi be anishi nɛ kɔnɔ nna nsaa puchi.

Danɛl 8:11

E daŋ kini kenu n sa ebɔrɛso be benapo be enimu na nna hale n shin nɛ e maŋ naa tiŋ a lara karechɛ kama be sarga na, nɛ kumo be loŋ shin nɛ bɔrɛlambu na maŋ naa du cheembi.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

2 Tɛsalɔnikaebi 2:3

Men sa maŋ kaŋ shin nɛ esa kama e bɔla ekpa kikɛ so n fule menyi, ŋkpal manɛ so, Enyɛnpe be kachɛ na maaŋ ba ama kenyaŋɛto m buu Ebɔrɛ na ba na nɛ alubipo nɛ mbe kelamba la edɛ to be keluri na lar na pɔɛŋ.

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”