Danɛl 8:21 - EBƆRƐ BE KAWƆL

²¹ Kaboe na yili nna a sa Griis be efuli so be kuwurji, nɛ kelambɛ gboŋgboŋi nɛ k yuu kumo be anishi anyɔ be nferinto na yili a sa Griis be efuli so be ewura sososo na.

Danɛl 8:21 ပူးပေါင်းရင်းမြစ်များ

Danɛl 10:20

Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.

Danɛl 11:2

Kusɔ nɛ mee shin nɛ ŋ kaŋɛ fo naniere malɛ la kashenteŋ nna. Bewura asa e kraa beeŋ ba ji kuwura ashi Pɛshiya be efuli so pɔɛŋ nɛ enasopo nɛ e kɔ dama a chɔ bumo kikɛ e ba bɛ so. Mbe kedamaya na beeŋ sa mo eleŋ ga hale nɛ e ta basa kikɛ nɛ Griis be efuli be basa be amu ŋ ŋmɛa abar.

Danɛl 11:3

Kumo be kaman nɛ ewura lempo ko malɛ e lar m ba ji eleŋ ga nseŋ wora kusɔ nɛ e bee sha.

Danɛl 2:39

Fo kuwura ere be kaman kuwurgboŋ ko nɛ k maŋ fo feya ere so beeŋ ba, kumo alɛ be kaman nɛ danyaŋ be kuwurgboŋ e bɛ so n ji durnya kikɛ so kuwura.

Danɛl 7:6

Kusɔbɔya sasopo na malɛ daa du fanɛ karmɛ nna nsaa kɔ atɛ ana kumo be kaman fanɛ kabuibi na nɛ amu ana. B daŋ shin nna nɛ k ji kuwura.

Danɛl 8:20

Kpakpa nɛ k kɔ alambɛ anyɔ na yili nna a sa Midia nɛ Pɛshiya be efuli so be bewura.

Danɛl 8:22

Alambɛ ana nɛ a ba tal kumo nɛ k bu na to na malɛ yili nna a sa fanɛ efuli na so be kuwurji beeŋ ba barga to ana, ama amo alɛ be kekama be eleŋ maaŋ fo sososo peya na so.

Zakareya 9:13

Meeŋ ta Judaebi fanɛ enapo be keta na, nseŋ ta Israɛlebi malɛ fanɛ ma atanyembi.” Ma alɛ beeŋ naŋ ta Zayɔn be basa fanɛ ma tokobi, ŋ kɔ Griikebi kena.