Danɛl 8:2 - EBƆRƐ BE KAWƆL

² Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Danɛl 8:2 ပူးပေါင်းရင်းမြစ်များ

Jɛnesis 10:22

Shɛm be bibinyɛnana nɛ b daa la Elam nɛ Ashuur nɛ Aafaksad nɛ Lud nɛ Mɛsopoteemia na be atre e daŋ ba ki bumo be nnaŋ to ebi be atre.

Jɛnesis 14:1

Jemanɛ nɛ Lɔt nɛ Eebram barga to nna nɛ Babilɔn be efuli so be ewura Amrafɛl nɛ Ɛlasa be ewura Ariɔk nɛ Ilam be ewura Kedɔrlawomer nɛ Goyiim be ewura Taidal kre kena m ba kɔ

Nehemaya 1:1

Ma e la Nehemaya Hakalia pibinyɛn. Asheŋ nɛ n wora nɛ amo nɛ m malga nɛ n sibɛ n wɔtɔ kawɔl ere to na. Ewurgboŋ Atazɛzɛs ka ji kuwura Pɛshiya be efuli so be kafɛ adunyɔ to nɛ ma, Nehemaya daa wɔ kadegboŋ lempo nɛ baa tre Susa nɛ k la efuli na be kadegboŋ na to nna. Juwebi be kufɔl nɛ baa tre Kislɛv na to e daa la.

Ɛsta 2:8

Ewura na ka sa ebɔl nɛ b bar besuŋgurbi damta ewura be laŋ to be kakpa nɛ baa wɔtɔ beche nawule ashi Susa na, Ɛsta gba daŋ ti bumo so. B daŋ yɛr mo alɛ gba Heegai nɛ e bee keni ewurkpa be beche so na kutɔ nna.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Ɛsta 7:6

Nɛ Ɛsta yɛ: “Mo e la Heman ere. E la esa lubi nɛ edoŋ nɛ emɔpo nna.” Ndoŋ nna nɛ kufu pɛ Heman ga ashi ewura na nɛ ewurche na be anishito.

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Ɛsta 9:11

Kumo be kamɔnchɛ gbagba nɛ b kaŋɛ ewura basa nɛ b mɔ ashi Susa be kade to.

Ɛsta 9:15

Kufɔl nɛ baa tre Adar na be nchɛ kuduana nɛ Juwebi nɛ b wɔ Susa be kade to na naŋ chala abar m mɔ basa alfa asa kade na to, ama b maŋ ta bumo be kusɔ kama bre.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 32:24

Elam nɛ kumo be benapo be nchaŋana kulti kumo na gba wɔ ndoŋ. Kena to nɛ b daŋ mɔ basa nɛ b maa ŋana Ebɔrɛ na kikɛ nɛ b yɔ bubuni to. Bumo e daa funti basa nɛ b wɔ ŋkpa to na, ama naniere bumo e ji anishinyɔr a dese bubuni to na.

Danɛl 10:4

Kufɔl sososo to be nchɛ adunyɔ nɛ ana be kachɛ, nɛ n daa yil lɔrgboŋ nɛ baa tre Tigris na be kedeŋi so.

Danɛl 7:15

Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Danɛl 8:1

Bɛlshaaza ka ki ewura be kafɛ sasopo to nɛ n naŋ ku bɔrɛdare ere malɛ.

Danɛl 8:3

Ndoŋ, nɛ n wu kpakpa ko ka kɔ alambɛ tenteŋ anyɔ, nɛ kuko wɔ nteŋ nsaa la kepopɔr a chɔ kuko.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Kelaraŋŋini 9:17

Egbaŋɛ nɛ bediipo mo nɛ n daŋ wu bɔrɛdare na to na daa du le nna: Bumo be ŋgbene so be asɔ kuŋso daŋ pere nna kpaiŋ fanɛ ŋklaŋ nseŋ naŋ nyɔɔ tuum fanɛ gra n naa la kachɔnɔnyifu fanɛ jɛrbi. Egbaŋɛ na be amu daa du fanɛ ebuluŋ be amu nna nɛ edɛ nɛ edishi nɛ asɔ chɔɔso ko fanɛ jɛrbi shi bumo be nnɔ to n lar.