Danɛl 8:19 - EBƆRƐ BE KAWƆL

¹⁹ nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Danɛl 8:19 ပူးပေါင်းရင်းမြစ်များ

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Danɛl 11:27

Bewura anyɔ na beeŋ baa bɔɔ enɔ a wɔtɔ kawie koŋwule to a ji, ama baaŋ baa kre abar nia lubi nna a fule abar. Bumo alɛ maaŋ nya kusɔ nɛ baa fin na, ŋkpal saŋɛ nɛ Ebɔrɛ yili kumo na ka maŋ naŋ fo so.

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Danɛl 8:23

Loŋ be kuwurji ana na be lalaloge be saŋɛ kaŋ taga to, bumo be amu beeŋ ki kpakpa nɛ b daga kasogberge. Kumo be kaman nɛ ewura nyaŋnyaŋso kpeŋso ko nɛ e maa ji kashenteŋ e lar.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Luuk 21:23

Yee, kumo be jemanɛ na, bedampoche nɛ beche nɛ b kɔ mbia nɛ b kraa wɔ enɔ to, beeŋ wu asheŋ ga, ŋkpal manɛ so, awurfoŋ damta beeŋ ba durnya ere to nɛ kasogberge e ba basa ere so.

Kelaraŋŋini 1:1

Yesu Kristo be asɔ nɛ Ebɔrɛ sa mo nɛ e lara ŋ ŋini mbe anya nde. A la asɔ nɛ a maaŋ chɛr nseŋ wora nna nɛ e shuŋi mbe kabɔ fanɛ e ba lara amo ŋ ŋini ma, mbe kenya Jɔn

Kelaraŋŋini 10:7

Ama saŋɛ nɛ malaika shunusopo na beeŋ foŋ mbe kabel na, Ebɔrɛ beeŋ shin nɛ mbe wulo be kesheŋ naseso na e fo kumo be ekar n lar efuli fanɛ kananɛ e daŋ kaŋɛ mbe anya nɛ b la anebiana na.”

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”

Kelaraŋŋini 15:1

Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.

Kelaraŋŋini 17:17

Ŋkpal manɛ so, Ebɔrɛ ta kusɔ nɛ e bee sha nɛ k wora na n wɔtɔ bumo be ŋgbene to nɛ baa sha kewora loŋ. Bumo kikɛ beeŋ nya kɔnɔkoŋwule n ta bumo be eleŋ n sa kusɔbɔya na nɛ e ji kuwura loŋ hale nɛ Ebɔrɛ be kɔnɔ e ya bɔla.