Danɛl 8:17 - EBƆRƐ BE KAWƆL

¹⁷ Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Danɛl 8:17 ပူးပေါင်းရင်းမြစ်များ

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Ezikɛl 2:1

Ndoŋ nna nɛ ebɔl na kaŋɛ ma le: “Dimɛdi pibi, Ezikɛl, koso n yili. Mee sha kemalga fo kutɔ nna.”

Ezikɛl 44:4

Ndoŋ nna nɛ kanyɛn na keta ma m bɔla kelargato be esoso be kabuna na to n yɔ bɔrɛlambu na be anishito nɛ n to kenishi ŋ keni nseŋ wu fanɛ Enyɛnpe Ebɔrɛ be kemaŋkura bɔlɔ bɔrɛlambu na to. Ndoŋ nna nɛ n ta ma enɔana m buu ma anishi so nseŋ kurgi kumu n yuu to.

Ezikɛl 6:2

“Dimɛdi pibi, Ezikɛl, kilgi fo anishito n shoŋi Israɛl be abee nseŋ malga n sa amo

Danɛl 10:11

Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha.

Danɛl 10:16

Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so.

Danɛl 11:27

Bewura anyɔ na beeŋ baa bɔɔ enɔ a wɔtɔ kawie koŋwule to a ji, ama baaŋ baa kre abar nia lubi nna a fule abar. Bumo alɛ maaŋ nya kusɔ nɛ baa fin na, ŋkpal saŋɛ nɛ Ebɔrɛ yili kumo na ka maŋ naŋ fo so.

Danɛl 11:40

Siriya be efuli so be ewura na be lalaloge be saŋɛ kaŋ taga to, Ijipt be efuli so be ewura na beeŋ ba kɔ mo kena, nɛ mo alɛ e ta egbaŋɛturko nɛ egbaŋɛdiipoana nɛ nchu so be ekuloŋgboŋ damta n tu mo ŋ kɔ kena na. Siriya be ewura beeŋ kɔ n sɔ efuli damtaana fanɛ kananɛ nchu bee bɔlɔ a sɔ kaplɛkama na.

Danɛl 12:13

Amoso Danɛl, ji kashenteŋ n ya fo lalaloge be jemanɛ na. Fo wu gba, feeŋ tiŋi luwu to n sɔ fo kakɔka.”

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Danɛl 2:46

Ndoŋ nna nɛ ewura Nebukadneeza dese kasawule Danɛl be anishito bunyanso m ponte ŋ kaŋɛ fanɛ b lara sarga nseŋ chɔɔ duwu n sa Danɛl.

Danɛl 7:16

Nɛ n yɔ bumo nɛ b yil ndoŋ na be eko kutɔ n ya kaŋɛ mo fanɛ e kaŋɛ ma bɔrɛdare na be kifito. Ndoŋ nna nɛ e kaŋɛ ma kumo be kifito.

Danɛl 8:15

N daa wora ania nna nɛ m pin bɔrɛdare na be kifito, nɛ esa ko ba yili ma anishito epul to.

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Danɛl 9:23

Saŋɛ nɛ fo fara a kule kabɔrɛkule na kikɛ nɛ Ebɔrɛ nu fo kekule na. Ebɔrɛ bee sha fo nna amoso nɛ m ba nɛ m ba kaŋɛ fo kabɔrɛkule na be atuwebi. Amoso kaŋ kusoe n nu kusɔ nɛ mee shin nɛ ŋ kaŋɛ fo naniere.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Matiu 17:8

B ka niŋi to ŋ keni nɛ Yesu nawule e yil, esa kama maŋ naŋ ti mo so.

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Kelaraŋŋini 22:8

Ma Jɔn e nu nseŋ wu asɔ ere kikɛ. Ma alɛ ka daŋ nu amo nseŋ wu amo nɛ ŋ gbir n dese kasawule malaika mo nɛ e daa ŋini ma asɔana na be anishito nɛ m maŋ mo so