Danɛl 8:16 - EBƆRƐ BE KAWƆL

¹⁶ Nɛ n nu ebɔl ka shi nchu nɛ b kur nɛ baa tre Ulai na ase a kaŋɛ le: “Geebriɛl, bugi to ŋ kaŋɛ mo kusɔ nɛ e wu na be kifito.”

Danɛl 8:16 ပူးပေါင်းရင်းမြစ်များ

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 7:16

Nɛ n yɔ bumo nɛ b yil ndoŋ na be eko kutɔ n ya kaŋɛ mo fanɛ e kaŋɛ ma bɔrɛdare na be kifito. Ndoŋ nna nɛ e kaŋɛ ma kumo be kifito.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Zakareya 1:9

Ndoŋ nna nɛ m bishi malaika nɛ e bee bugi asheŋ to a sa ma na le: “Manɛ nɛ egbaŋɛ ere bee ŋini?” Nɛ e kaŋɛ ma: “Meeŋ ŋini fo kusɔ nɛ e bee ŋini.”

Zakareya 2:4

nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 1:26

Elizabɛt be kedampo be kufɔl shesopo to nɛ Ebɔrɛ shuŋi malaika Geebriɛl Galili be kade ko to nɛ baa tre Nazarɛt.

Ashuŋ Shunso 10:13

Nɛ e nu ebɔl ko ka bee kaŋɛ: “Pita, koso m mɔ n we!”

Ashuŋ Shunso 9:7

Basa nɛ bumo nɛ Sɔɔl daa yɔ na be nnɔ daŋ mɔ bumo ga nɛ b kilgi a yil cham. B daŋ nu ebɔl na, ama bumo alɛ daa maŋ wu esa kama.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Kelaraŋŋini 1:12

Ŋ ka nu asheŋ ere nɛ ŋ kilgi nɛ ŋ keni ebɔl na wura nseŋ wu shuwa be kefitilatɔl ashunu.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”