Danɛl 8:13 - EBƆRƐ BE KAWƆL

¹³ Kumo be kaman nɛ n nu Ebɔrɛ be emalaika na be eko ka bee bishi mo barkasa le: “Nchɛ afanɛ nɛ asɔ nɛ b wu bɔrɛdare ere to ere beeŋ ji n ya fo? Nchɛ afanɛ nɛ le be alubisheŋ nɛ a maŋ walɛ kekeni ere beeŋ sɔ karechɛ kama be esarga be kelara ere be kakpa? Alɛ fanɛ nɛ baaŋ chichi n chichi ebɔrɛso be benapo na nɛ bɔrɛlambu na so?”

Danɛl 8:13 ပူးပေါင်းရင်းမြစ်များ

Nshɛ 74:10

O Ebɔrɛ, saŋɛ mo nɛ an doŋana beeŋ yige kebaa tege anyi nɛ kebaawora fo eyur to?

Nshɛ 74:9

Emamachisheŋ maŋ naa wɔtɔ, anebiana na gba maŋ naa wɔtɔ. Ekama malɛ maŋ nyi saŋɛ nɛ asheŋ na beeŋ fo amo be ekar.

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Aizaaya 28:18

Menyi nɛ luwu be kɔnɔ nɛ men wora na nɛ kananɛ menyi nɛ basa nɛ b wu n yɔ bubuni to be nnɔ wora kukoŋwule na beeŋ ba ekar. Kumo be kaman nɛ jɛrbi e ba menyi so fanɛ nchu ka bɔlɔ n sulɔ menyi n yɔ na.

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Aizaaya 63:18

Jemanɛ nɛ k choŋ na fo bɔrɛlambu na daa la fo basa peya nna, ama naniere an doŋana ba bure kumo kikɛ n lɛ nseŋ chichi kumo so.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Danɛl 11:31

Benapo na be beko beeŋ shin nɛ bɔrɛlambu na e sa maŋ naa du cheembi nseŋ shin nɛ b yige karechɛ kama be sarga be kebaa lara. Kumo be kaman nɛ b niŋi Edɔsopogboŋ na be kapɔrduli na to n yili n shin nɛ kusɔ kama e jija.

Danɛl 12:11

Yili saŋɛ nɛ b yige kebaalara karechɛ kama be esarga na n ya fo saŋɛ nɛ b ŋini Edɔsopogboŋ na to n yili na beeŋ baa la fanɛ nchɛ kagboŋ nɛ alfa anyɔ nɛ adekpanu nna.

Danɛl 12:8

N daŋ nu kusɔ nɛ e kaŋɛ ama ma alɛ daa maŋ pin to. Ndoŋ nna nɛ m bishi mo le: “Jande, nuso nɛ asheŋ ere be lalaloge beeŋ ba ki?”

Danɛl 4:10

Ŋ ka bee di nɛ ŋ ku bɔrɛdare n wu kedibi gboŋgboŋi ko ka yil durnya kikɛ be nferinto.

Danɛl 4:13

Ŋ ka bee fɛ bɔrɛdare nɛ ŋ ku na be asheŋ, nɛ n wu malaika ko ka shi Ebɔrɛso ŋ gbelge to a ba,

Danɛl 4:23

Yiramu, fo ka wu malaika na ka shi esoso ŋ gbelge to a ba na, le nɛ e daŋ kaŋɛ: ‘Ku kedibi na n lɛ nseŋ kpele kumo to cheche ama ta kebɛlso nɛ danyaŋ be ŋgbɛlɛbi m mɛa kumo be keyimu so n yige kumo kasawule to nɛ k baa wɔ kupuŋ to. Shin nɛ bunyaŋ e shi esoso m ba tɔr kanyɛn nɛ e du fanɛ kedibi ere na so, nseŋ shin nɛ mo nɛ asɔbɔya e baa wɔ kupuŋ to n ya fo nfɛnshunu.’

Danɛl 7:16

Nɛ n yɔ bumo nɛ b yil ndoŋ na be eko kutɔ n ya kaŋɛ mo fanɛ e kaŋɛ ma bɔrɛdare na be kifito. Ndoŋ nna nɛ e kaŋɛ ma kumo be kifito.

Danɛl 7:23

Kananɛ e daŋ bugi kumo to ŋ kaŋɛ ma nde: “Kusɔbɔya nasopo na yili nna a sa kuwurjigboŋ nasopo nɛ k beeŋ ba durnya ere to m ba kaa kɔr kuwurji kikɛ to. K beeŋ chichi durnya ere kikɛ so m buri kumo to cheche.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Zakareya 1:19

Ndoŋ nna nɛ m bishi malaika nɛ e bee malga ŋ kutɔ na le: “Alambɛ ere be kefito a?” Nɛ e kaŋɛ: “Alambɛ na bee ŋini durnya to be efuli lempoana nɛ a shin nɛ Juda nɛ Israɛl nɛ Jerusalɛm to be basa pesaŋ to na nna.”

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Luuk 21:20

Jemanɛ nɛ men baŋ wu benapo ka kulti Jerusalɛm na, men baa nyi fanɛ kade na be kemur be jemanɛ taga to.

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba

Kelaraŋŋini 11:2

Ama sa maŋ ta kusɔ kargaso na ŋ karga lambu na be laŋ na bre, ŋkpal manɛ so, b ta ndoŋ nna n sa nnyamase, bumo alɛ beeŋ nɔkɔr kadegboŋ cheembi na to afɔl adena nɛ anyɔ.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Demujipoana 13:18

Nɛ malaika na bishi mo le: “Manɛ nna nɛ fee sha kepin ma ketre? K la mamachi be ketre nna. Ŋ kaŋɛ fo kumo gba fo maaŋ pin to.”