Danɛl 8:12 - EBƆRƐ BE KAWƆL

¹² Amoso kabɔrɛshuŋ daa maŋ naa la shɛŋ nɛ kelambɛ na malɛ daa ji eleŋ kusɔ kama so.

Danɛl 8:12 ပူးပေါင်းရင်းမြစ်များ

Job be kawɔl 12:6

Beyu nɛ basa nɛ b maa ŋana Ebɔrɛ wɔ kayurwushi to nna, ama kusɔ koŋwule nɛ b yirda e la eleŋ nɛ b kɔ na.

Nshɛ 119:142

Fo kebaawɔtɔ niŋiso wɔtɔ nna mbaanaayɔ; nɛ fo mbra malɛ la kashenteŋ jemanɛ kikɛ.

Nshɛ 119:43

Jemanɛ kikɛ sa maŋ kaŋ lara fo kashenteŋ be mmalga na ma kɔnɔ to; ŋkpal manɛ so, ma tama wɔ fo mbraana to nna.

Nshɛ 28:5

Bumo be shɛŋ maŋ wɔ Enyɛnpe Ebɔrɛ be asheŋ to. Amoso e beeŋ gberge bumo kusoe nseŋ mur bumo cheche.

Aizaaya 59:14

Keji asheŋ nɛ amo be ekpa so maŋ naa wɔtɔ, nɛ kewora kusɔ nɛ k daga gba maŋ wɔ anyi be kebaawɔtɔ to. Keji kashenteŋ kelɔnɛ so gba maŋ naa wɔtɔ ashi anyi to kuraa.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Danɛl 11:28

Siriya be efuli so be ewura na beeŋ ta asɔ nɛ e muu kena to na kikɛ n yɔ epe. Mo alɛ beeŋ wora ania fanɛ e beeŋ mur Ebɔrɛ b basa be kabɔrɛshuŋ nseŋ wora kusɔ kama nɛ k par mo pɔɛŋ nseŋ bɛta n yɔ mbe kade to.

Danɛl 7:21

Ŋ ka bee keni na, nɛ n wu kelambɛ na ka bee kɔ Ebɔrɛ be basa kena a pɔɔ bumo so.

Danɛl 8:4

Nɛ kpakpa na yeŋ to a tɛto a yɔ epeŋitɔrkpa nɛ kelargato be esoso nɛ kelargato be kaseto be mba so. Kusɔbɔya malɛ kikɛ maŋ tiŋ n yili n tu kumo ŋ kɔ m pɔɔ kumo so. Amoso kumo be kepar nɛ k daa wora nsaa nya eleŋ ga a ti so.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.

1 Samuɛl 23:9

Deevid ka nu fanɛ Sɔɔl bee kre nɛ e ba kɔ mo na, nɛ e kaŋɛ bɔrɛmatapo Abiata le: “Ta kabɔrɛmata be piŋi lela nɛ baa tre Ɛfɔd na m ba, saŋɛ na so anyeeŋ bishi Ebɔrɛ kusɔ nɛ k daga an ka wora.”